During a manned mission to Mars, Astronaut Mark Watney is presumed dead after a fierce storm and left behind by his crew. But Watney has survived and finds himself stranded and alone on the hostile planet. With only meager supplies, he must draw upon his ingenuity, wit and spirit to subsist and find a way to signal to Earth that he is alive.
It’s a must-watch movie !
⭐️⭐️⭐️⭐️⭐️
أول ما تخرجت من الجامعة كنت بطاليه طبعا لا شغله ولا مشغله قعدت تقريبا إسبوعين بالبيت ماكو شي ما تعبث فيه من الملل, غيرت غرفتي كلها لي الأبيض وبقت طاولة الأبجورة خشب قلت ألعب فيها وأصبغها اذا ضبطت ضبطت واذا ما ضبطت شريت طاوله ثانية بدالها… المهم دشيت يوتيوب ولقيت اكثر من طريقه حق تعتيق الخشب وهالطريقه كانت أسهلهم
كل الأغراض تحصلونها عند أيس هاردوير أو تروفاليو
This is a great technique for any wood project that you’d like to give the look of aged paint. Check out how I made it below.
صبــــــاح الخيــــر
التدوين..البلوق
كتبت موضوع طويييييييل ان هاذي بتكون أخر تدوينه لي وراح أوقف نهائيا بعدين هونت ومسحت كل الي كتبته لما وصلني إيميل من ووردبريس اني كملت 6 سنوات معاهم !
يمكن من الأسباب الي خلتني أوقف تدوين أخر فتره إن بعد التخرج روتيني تغير مع الوظيفه ..وبدال الوظيفه صار عندي وظيفتين وبلشت مشروعي الخاص الحمد الله فصار ما عندي وقت فراغ كبير نفس قبل مجابله البلوق او أيام قوقل ريدر 24 ساعه
وبعدين قلت مو بس الوقت الي ما يساعد أكتب .. حتى الناس ما قاموا يقرون ويعلقون نفس قبل
بالذات بهالفتره الي الغالبيه نسوا البلوقات واتجهوا لي الانستغرام وسناب جات.. واعترف انا وحده منهم ..مادري ليش ؟ يمكن لان استعماله اسهل؟
كل ما اتذكر التعليقات الحلوه والايميلات الي كانت توصلني اتحسف اني وقفت
كان ما يمر يوم الا وأدش البلوق واقرا تعليقات الناس وأرد عليهم او انزل مواضيع يديده تقريبا بشكل يومي او اقرا البلوقات الثانيه وأعلق على مواضيعهم
كان شي حلو…
طول الفتره الي طافت كنت افكر ارد اكتب واسوي ريفيو بعدين اهون واتكيسل اني اضبط الصور واكتب وكل يوم اقول باجر
بس تبون الصج ولهت على البلوق وودي اروح اي مطعم الحين واكتب عنه ريفيو… مابي اروح افينتات ولا ابي اروح مطعم معزومه
لا ابي براحتي اروح بالوقت الي يناسبني مع رفيجاتي او اهلي اصور واضحك واستانس وارد اكتب الريفيو على راحتي بدون ما التزم بوقت معين او بمجاملات..
بصراحه مادري اذا في أحد راح يقرا هالتدوينه ولا لا… بس الي متأكده منه اني راح ارد اكتب واسوي ريفيوات نفس قبل إنشالله 🙂
A couple of weeks ago, we got the chance to try Alfredo’s Gallery, which is located in the Avenues mall. The place was very quiet and we were served immediately.
The best dish was the Risotto Gamberi e Rapa Rossa which is shrimp risotto cooked with beetroot water instead of cream it was very light & yummy …over all the food was heavenly delicious except the Bruschetta they were average…. Oooh & i must say (they have the BEST Tiramisu EVER) it was so light & delightful.
The place is highly recommended, everything is good about it and the prices were very reasonable.
Alfredo’s cocktail
Trasteverina Bruschette
Pappa col Pomodoro soup
Parmigiana di Melanzane
Risotto Gamberi e Rapa Rossa
Panna Cotta
Tiramisù Alfredo
Alfredo’s guest book signed by Walt Disney & Marilyn Monroe
Instagram: @alfredosgalleryq8
امس غدانا كان من بوتري رايس …جربنا منهم 4 انواع عيوش مطبوخه بالفخار
عيش اخضر بالدياي – لحم شمندر بدبس الرمان – ربيان سبايسي- دياي بالكريمه والزعفران
مشاءالله كل شي كان لذيذ وترف …واحلى شي ان الدياي واللحم بدون عظم وشحم
تقريبا الفخار الواحد يكفي شخصين مع ان مكتوب لشخص واحد بس الكميه راهيه
Instagram:@pottery_rice
Tel : 55599644
مجرم مختل عقليا يختطف زوجات تجار المخدارت مقابل فديه وبعد ما ياخذ الفديه يرد لهم زوجاتهم مقطعين بجياس.. والممثل “ليام” دوره بالفلم محقق كالعاده كل افلامه دور الشرطي او المحقق
بالنسبه لي حسيته ما يستاهل 7\10 حده حده 5.5\10 يمكن لان وايد كان مقطع في اشياء مافهمتها بس هم بنفس الوقت حسيته ممل وقصه قديمه ماكو شي يديد
اذكر من فتره كتبت بانستغرام جان زين يخترعون مخده تكون طول الوقت بارده مليت وانا اقلب المخده على الجهه البارده ووحده من الفلورز قالت تنباع بامازون بس ترددت اطلبها … وبعدها بلشت ادور مخده اهم شي تكون مريحه ونسيت سالفه المخده البارده ….من يومين شفت اكاونت البغلي بانستغرام ولا حاطين بوست عن المخده البارده, وعتيجه ما صدقت خبر وطارت لي البغلي
قبل ما اخذ المخده البارده سألت الموظف شنو اكثر مخده مريحه عندهم
وراني باجي الانواع بس اصر ان المخده البارده احسن نوع عندهم الي اهي بالصوره تحت
وشريتها ب16 دينار
واول ما رديت البيت جربتها ما قدرت انطر لي ما انام…اول ما حطيت راسي عليها يتني البجيه والله صج تحبطت لي هالدرجه صعبه احصل مخده مريحه ؟
تذكرون المطارح مالوت قبل ؟ الي اسفنجه يابس كنا نتكافخ فيهم واحنا يهال؟
بالضبط نفسها !
مع ان لما اضغط على المخده بيدي تغوص بس لما احط راسي يابسه !
والبروده تقريبا بعد نص ساعه تروح يعني مافرقت عن المخده العاديه ووزنها ثقيل يعني حتى اذا بقلبها وانا نايمه طارت النومه من ثقلها
اهيا صج اهون من المخده الي قبلها بس هم ما تعتبر مريحه
اذكر اخر مره نمت وانا مرتاحه شهر 2 لما سافرت تركيا , احب مخدات الفنادق مريحه لا يابسه ولا لينه 😥
الزبده من الموضوع كله …دلوني على مكان عنده مخاد مريحه ابي مخده راسي يغوص فيها بدون ما تعور الرقبه واقوم من النوم وانا مرتاحه مو مستعسره 😥
جايكوب طفل توفى بعمر 9 سنوات بحادث غرق وبعد 32 سنه يرجع للحياه ويروح حق اهله في قريه اركيديا بأمريكا.. مع الايام يكتشفون في حالات ثانيه نفس جايكوب وعدد البشر الي ردت لهم الروح بلش يزيد ومو عارفين السبب
الفلم فنتازيا على خيال علمي على دراما بس مو رعب
السيزن الاول عباره عن 8 حلقات والسيزن الثاني المفروض هالشهر ينزل
لي الحين كل شي حلو وقصه يديده ان شالله ما يخربونها على السيزن الثاني
لما كتبت عنه بانستغرام في ناس طلبوا مني رابط المسلسل مترجم ما حصلوه فقلت انزله بالبلوق احسن من انستغرام لان ما يدعم اللنكات
شنو المسلسلات اي تنصحون اتابعها بما اني بطاليه ؟
<iframe width=”560″ height=”315″ src=”//www.youtube.com/embed/MWo67uhzoQg?rel=0″ frameborder=”0″ allowfullscreen>
“You have to walk a distance to achieve something of value to yourself” – Steven Spielberg
الفلم ما يتطوف من احلى الافلام الي شفتها بالفتره الاخيره وما عندي مانع اشوفه مره ثانيه وثالثه… شوفوا الدعايه
بالنسبه لي حبيته اكثر من
Rating : 10\10
من بلشت هبت الانستغرام ماقمت اكتب ريفيوات عن المطاعم بالبلوق وبما اني بطاليه قلت ارد اكتب بوستات نفس قبل
امس تغديت بمطعم اوليفرسان الاسيوي صارله فتره مبطل بس ولا مره جربته , هالمطعم تابع ماكي و زي برقر والي يطبخ نفس الشيف وتقدرون تطلبون اطباق المطاعم الثانيه
المهم اول ما قعدنا حطولنا خبز تورتيلا كرسبي وكيم جي (مخلل ملفوف) مع صلصات نقنقنا فيهم على ما يوصل الطلب
من السلطات طلبنا
Crispy Chicken Spring Mix Salad
لذيذه وخفيفه كلش ما تغث تحسون صج تاكلون سلطه مو طبق رئيسي
ومن المقبلات طلبنا
Buffalo chicken wings
صج كان سبايسي بس حلو معاه صلصه روب
من الاطباق الرئيسيه طلبنا
Oliversan Rice
حلو بس طعم زيت السمسم كان قوي شوي
sweet & sour fresh fruit shrimp
ربيان مع فراوله وتوت اسود وجزر واناناس اول شي كنا مترددين نطلبه خفنا ماينوكل , بس اشوه كلمه لذيذ شويه عليه
ومن الحلو جربنا ميني دو سان (كرونت: مكس بين الدونت والكرواسان) والتراميسيو
اثنينهم كانوا لذيذين
باختصار كل شي جربته كان لذيذ اول مره ادش مطعم وتعجبني كل الاطباق
الخدمه تينن والقعده هاديه والاكل لذيذ والاسعار تقريبا نفس ماكي
وان شالله لي روحه ثانيه وثالثه
عنوانهم
المرقاب – برج جاسم
Instagram @Oliversanrestaurant
Tel: 22901051
Synopsis:
After cowardly Albert backs out of a gunfight because he’s never fired his gun, his girlfriend leaves him for another man . When he accidentally saves the life of a beautiful woman, she helps him find his courage and learn to stand up for himself. But when her husband arrives seeking revenge the sheep farmer must triumph over all of the hilariously awful dangers of the old west in order to save her.
Conclusion:
Quite possibly the worst movie I’ve ever seen, if I could give negative ratings I would, and I would also like my 116 minutes back.
من قبل اسبوع جربت
fitmiss
بتكلم بشكل عام لان ما اقدر احكم على تمرين مدته ساعه
بالنسبه للوقت كانت ملتزمه بالوقت ووصلت قبل الوقت الي متفقين عليه ب5 دقايق
والتدريب بالنسبه لي كان عادي لان تعودت على تمارين الكروسفت يمكن لو كان في تنويع اكثر بالتمارين الوضع يصير احسن ,بس اكيد في ناس يفضلون تمارين البيلاتس راح يعجبهم
اسعارهم
power training 150 kd \ 10 session (180 kd \12 session)
Pilates 200 kd \ 10 session (240 kd \ 12 session)
3 times a week and each session = 1 hour
واذا تبون قروبات السعر يصير ارخص
instagram: @fitmiss_kw
website: www.fitmiss.net
3ateeja's Blog 