Alfredo’s Gallery Kuwait

A couple of weeks ago, we got the chance to try Alfredo’s Gallery, which is located in the Avenues mall. The place was very quiet and we were served immediately.

The best dish was the Risotto Gamberi e Rapa Rossa which is shrimp risotto cooked with beetroot water instead of cream it was very light & yummy …over all the food was heavenly delicious except the Bruschetta they were average…. Oooh & i must say (they have the BEST Tiramisu EVER) it was so light & delightful.

The place is highly recommended, everything is good about it and the prices were very reasonable.

Alfredo’s cocktail

Trasteverina Bruschette

Pappa col Pomodoro soup

Parmigiana di Melanzane

Risotto Gamberi e Rapa Rossa

Panna Cotta

Tiramisù Alfredo

Alfredo’s guest book signed by Walt Disney & Marilyn Monroe

 Instagram: @alfredosgalleryq8

@pottery_rice بالخمس

 امس غدانا كان من بوتري رايس …جربنا منهم 4 انواع عيوش مطبوخه بالفخار

عيش اخضر بالدياي – لحم شمندر بدبس الرمان – ربيان سبايسي- دياي بالكريمه والزعفران

مشاءالله كل شي كان لذيذ وترف …واحلى شي ان الدياي واللحم بدون عظم وشحم

تقريبا الفخار الواحد يكفي شخصين مع ان مكتوب لشخص واحد بس الكميه راهيه

Instagram:@pottery_rice 

Tel : 55599644

 

 

Review: A Walk Among the Tombstones

مجرم مختل عقليا يختطف زوجات تجار المخدارت مقابل فديه وبعد ما ياخذ الفديه يرد لهم زوجاتهم مقطعين بجياس.. والممثل “ليام” دوره بالفلم محقق كالعاده كل افلامه دور الشرطي او المحقق

بالنسبه لي حسيته ما يستاهل 7\10 حده حده 5.5\10 يمكن لان وايد  كان مقطع في اشياء مافهمتها بس هم بنفس الوقت حسيته ممل وقصه قديمه ماكو شي يديد

Review: Cooling Gel and Memory Foam Pillow مخده بارده

اذكر من فتره كتبت بانستغرام جان زين يخترعون مخده تكون طول الوقت بارده مليت وانا اقلب المخده على الجهه البارده ووحده من الفلورز قالت تنباع بامازون بس ترددت اطلبها … وبعدها بلشت ادور مخده اهم شي تكون مريحه ونسيت سالفه المخده البارده ….من يومين شفت اكاونت البغلي بانستغرام ولا حاطين بوست عن المخده البارده, وعتيجه ما صدقت خبر وطارت لي البغلي

قبل ما اخذ المخده البارده سألت الموظف شنو اكثر مخده مريحه عندهم

وراني باجي الانواع بس اصر ان المخده البارده احسن نوع عندهم الي اهي بالصوره تحت

وشريتها ب16 دينار

واول ما رديت البيت جربتها ما قدرت انطر لي ما انام…اول ما حطيت راسي عليها يتني البجيه والله صج تحبطت لي هالدرجه صعبه احصل مخده مريحه ؟

تذكرون المطارح مالوت قبل ؟ الي اسفنجه يابس كنا نتكافخ فيهم واحنا يهال؟

بالضبط نفسها !

مع ان لما اضغط على المخده بيدي تغوص بس لما احط راسي يابسه !

والبروده تقريبا بعد نص ساعه تروح يعني مافرقت عن المخده العاديه ووزنها ثقيل يعني حتى اذا بقلبها وانا نايمه طارت النومه من ثقلها

اهيا صج اهون من المخده الي قبلها بس هم ما تعتبر مريحه

اذكر اخر مره نمت وانا مرتاحه شهر 2 لما سافرت تركيا , احب مخدات الفنادق مريحه لا يابسه ولا لينه 😥

الزبده من الموضوع كله …دلوني على مكان عنده مخاد مريحه ابي مخده راسي يغوص فيها بدون ما تعور الرقبه واقوم من النوم وانا مرتاحه مو مستعسره 😥

TV series Review: Resurrection الموسم الاول مترجم

جايكوب طفل توفى بعمر 9 سنوات بحادث غرق وبعد 32 سنه يرجع للحياه ويروح حق اهله في قريه اركيديا بأمريكا.. مع الايام يكتشفون في حالات ثانيه نفس جايكوب وعدد البشر الي ردت لهم الروح بلش يزيد ومو عارفين السبب

الفلم فنتازيا على خيال علمي على دراما بس مو رعب

السيزن الاول عباره عن 8 حلقات والسيزن الثاني المفروض هالشهر ينزل

لي الحين كل شي حلو وقصه يديده ان شالله ما يخربونها على السيزن الثاني

لما كتبت عنه بانستغرام في ناس طلبوا مني رابط المسلسل مترجم ما حصلوه فقلت انزله بالبلوق احسن من انستغرام لان ما يدعم اللنكات

Click Here مترجم اونلاين 

شنو المسلسلات اي تنصحون اتابعها بما اني بطاليه ؟

Review: The Hundred-Foot Journey

<iframe width=”560″ height=”315″ src=”//www.youtube.com/embed/MWo67uhzoQg?rel=0″ frameborder=”0″ allowfullscreen>

“You have to walk a distance to achieve something of value to yourself” – Steven Spielberg

الفلم ما يتطوف من احلى الافلام الي شفتها بالفتره الاخيره وما عندي مانع اشوفه مره ثانيه وثالثه… شوفوا الدعايه

بالنسبه لي حبيته اكثر من

Chef

Rating : 10\10

Review: Oliversan Resturant مطعم اوليفرسان

من بلشت هبت الانستغرام ماقمت اكتب ريفيوات عن المطاعم بالبلوق وبما اني بطاليه قلت ارد اكتب بوستات نفس قبل

امس تغديت بمطعم اوليفرسان الاسيوي صارله فتره مبطل بس ولا مره جربته , هالمطعم تابع ماكي و زي برقر والي يطبخ نفس الشيف وتقدرون تطلبون اطباق المطاعم الثانيه

المهم اول ما قعدنا حطولنا خبز تورتيلا كرسبي وكيم جي (مخلل ملفوف) مع صلصات نقنقنا فيهم على ما يوصل الطلب

من السلطات طلبنا

Crispy Chicken Spring Mix Salad

لذيذه وخفيفه كلش ما تغث تحسون صج تاكلون سلطه مو طبق رئيسي

ومن المقبلات طلبنا

Buffalo chicken wings

صج كان سبايسي بس حلو معاه صلصه روب

من الاطباق الرئيسيه طلبنا

Oliversan Rice

حلو بس طعم زيت السمسم كان قوي شوي

sweet & sour fresh fruit shrimp

ربيان مع فراوله وتوت اسود وجزر واناناس اول شي كنا مترددين نطلبه خفنا ماينوكل , بس اشوه كلمه لذيذ شويه عليه

ومن الحلو جربنا ميني دو سان (كرونت: مكس بين الدونت والكرواسان) والتراميسيو

اثنينهم كانوا لذيذين

باختصار كل شي جربته كان لذيذ اول مره ادش مطعم وتعجبني كل الاطباق

الخدمه تينن والقعده هاديه والاكل لذيذ والاسعار تقريبا نفس ماكي

وان شالله لي روحه ثانيه وثالثه

عنوانهم

المرقاب – برج جاسم

Instagram @Oliversanrestaurant

Tel: 22901051

Review: A Million Ways to Die in the West

Synopsis:

After cowardly Albert backs out of a gunfight because he’s never fired his gun, his girlfriend leaves him for another man . When he accidentally saves the life of a beautiful woman, she helps him find his courage and learn to stand up for himself. But when her husband arrives seeking revenge the sheep farmer must triumph over all of the hilariously awful dangers of the old west in order to save her.

Conclusion:

Quite possibly the worst movie I’ve ever seen, if I could give negative ratings I would, and I would also like my 116 minutes back.

Personal Trainer @fitmiss_kw

من قبل اسبوع جربت

fitmiss

بتكلم بشكل عام لان ما اقدر احكم على تمرين مدته ساعه

بالنسبه للوقت كانت ملتزمه بالوقت ووصلت قبل الوقت الي متفقين عليه ب5 دقايق

  والتدريب بالنسبه لي كان عادي لان تعودت على تمارين الكروسفت يمكن لو كان في تنويع اكثر بالتمارين الوضع يصير احسن ,بس اكيد في ناس يفضلون تمارين البيلاتس راح يعجبهم

اسعارهم

power training 150 kd \ 10 session (180 kd \12 session)

Pilates 200 kd \ 10 session (240 kd \ 12 session)

3 times a week and each session = 1 hour

واذا تبون قروبات السعر يصير ارخص

instagram: @fitmiss_kw

website: www.fitmiss.net

 

Gandhi 1982

 

من احلى أفلام الدراما التاريخيه الي شفتها قصه المحامي والسياسي “غاندي” اكيد كلنا سامعين بأسمه بس قله الي يعرفون قصته وليش انشهر

قدر غاندي يحرر ديرته “الهند” من الاستعمار البريطاني بدون ما يقتل جندي بريطاني واحد

وعلى ان غاندي هندوسي بس كان مثقف وواعي قرا كل الكتب السماويه واتبع نظام “المقاومه السلميه او مقاومة اللاعنف” الي كان متبعها رسولنا عليه الصلاة والسلام مع اهل قريش

في البدء يتجاهلونك، ثم يسخرون منك، ثم يحاربونك، ثم تنتصر- مهاتماغاندي

Trip To Istanbul Part 1\ تركيا-إسطنبول

بعطله الربيع شهر 2 سافرت تركيا

طبعا الحجوزات (الفندق والتذكره) عن طريق موقع اكسبيديا

 رحلتنا كانت على الطيران التركي لمده 9 ايام بس تمددت لي 12 يوم بعدين اقولكم ليش 😛

والفندق حجزنا بإسطنبول في منطقه تقسيم فندق نيبون

Opalescence PF تبييض الاسنان المنزلي

سألت اكثر من دكتوراسنان عن احسن نوع تبيض كلهم مدحولي المنزلي لان معترف فيه وعليه دراسات و ضرره اخف من الليزر وتبيضه طبيعي واقدر اتحكم بدرجه التبييض ودلوني على الوكيل الي يبيع الماده بالكويت

كنت مسويه تقويم اسنان بمستشفى الاميري واول ما شلته عطيت الدكتوره الماده وسوتلي القالب حق التبيض وتقريبا بعد 3 ايام استلمت القالب ومن اول يومين استعمال بين الفرق معاي

تحصلون ماده التبيض عند شركه التقدم التكنولوجي ,سعر العلبه الكامله مع القالب 13 دينار (8 إبر) و اذا عندكم القالب وبس تبون الابر يبيعونهم ب5 دنانيير (4 إبر) الابره الوحده تكفيكم حق مرتين

اتوقع هذا ارخص مكان بالكويت يبيعهم لان دقيت على اغلب العيادات الخاصه اسعارهم تبلش من 70 دينار لي 250 دينار وكلهم يستعملون نفس الماركه, طبعا اهم حاسبين فتح الملف والاشعه والتنظيف وسعر الماده وشغل الدكتور وكل هذا ما تحتاجونه اذا اسنانكم اساسا نظيفه وما فيها جير

عندهم اكثر من نوع , انا دايما اخذ 35% لان ما يطول بس نص ساعه واشيله بس الي اسنانهم حساسه ماراح يتحملونه اخذوا الي نسبته اقل, بعد التبيض بفتره اسناني شوي صارت حساسه مو وايد بس الحين الحمدالله ردت طبيعيه

رقمهم 22247165 ومكانهم بمجمع تالا السالميه