Review: Cooling Gel and Memory Foam Pillow مخده بارده

اذكر من فتره كتبت بانستغرام جان زين يخترعون مخده تكون طول الوقت بارده مليت وانا اقلب المخده على الجهه البارده ووحده من الفلورز قالت تنباع بامازون بس ترددت اطلبها … وبعدها بلشت ادور مخده اهم شي تكون مريحه ونسيت سالفه المخده البارده ….من يومين شفت اكاونت البغلي بانستغرام ولا حاطين بوست عن المخده البارده, وعتيجه ما صدقت خبر وطارت لي البغلي

قبل ما اخذ المخده البارده سألت الموظف شنو اكثر مخده مريحه عندهم

وراني باجي الانواع بس اصر ان المخده البارده احسن نوع عندهم الي اهي بالصوره تحت

وشريتها ب16 دينار

واول ما رديت البيت جربتها ما قدرت انطر لي ما انام…اول ما حطيت راسي عليها يتني البجيه والله صج تحبطت لي هالدرجه صعبه احصل مخده مريحه ؟

تذكرون المطارح مالوت قبل ؟ الي اسفنجه يابس كنا نتكافخ فيهم واحنا يهال؟

بالضبط نفسها !

مع ان لما اضغط على المخده بيدي تغوص بس لما احط راسي يابسه !

والبروده تقريبا بعد نص ساعه تروح يعني مافرقت عن المخده العاديه ووزنها ثقيل يعني حتى اذا بقلبها وانا نايمه طارت النومه من ثقلها

اهيا صج اهون من المخده الي قبلها بس هم ما تعتبر مريحه

اذكر اخر مره نمت وانا مرتاحه شهر 2 لما سافرت تركيا , احب مخدات الفنادق مريحه لا يابسه ولا لينه 😥

الزبده من الموضوع كله …دلوني على مكان عنده مخاد مريحه ابي مخده راسي يغوص فيها بدون ما تعور الرقبه واقوم من النوم وانا مرتاحه مو مستعسره 😥

Personal Trainer @fitmiss_kw

من قبل اسبوع جربت

fitmiss

بتكلم بشكل عام لان ما اقدر احكم على تمرين مدته ساعه

بالنسبه للوقت كانت ملتزمه بالوقت ووصلت قبل الوقت الي متفقين عليه ب5 دقايق

  والتدريب بالنسبه لي كان عادي لان تعودت على تمارين الكروسفت يمكن لو كان في تنويع اكثر بالتمارين الوضع يصير احسن ,بس اكيد في ناس يفضلون تمارين البيلاتس راح يعجبهم

اسعارهم

power training 150 kd \ 10 session (180 kd \12 session)

Pilates 200 kd \ 10 session (240 kd \ 12 session)

3 times a week and each session = 1 hour

واذا تبون قروبات السعر يصير ارخص

instagram: @fitmiss_kw

website: www.fitmiss.net

 

Opalescence PF تبييض الاسنان المنزلي

سألت اكثر من دكتوراسنان عن احسن نوع تبيض كلهم مدحولي المنزلي لان معترف فيه وعليه دراسات و ضرره اخف من الليزر وتبيضه طبيعي واقدر اتحكم بدرجه التبييض ودلوني على الوكيل الي يبيع الماده بالكويت

كنت مسويه تقويم اسنان بمستشفى الاميري واول ما شلته عطيت الدكتوره الماده وسوتلي القالب حق التبيض وتقريبا بعد 3 ايام استلمت القالب ومن اول يومين استعمال بين الفرق معاي

تحصلون ماده التبيض عند شركه التقدم التكنولوجي ,سعر العلبه الكامله مع القالب 13 دينار (8 إبر) و اذا عندكم القالب وبس تبون الابر يبيعونهم ب5 دنانيير (4 إبر) الابره الوحده تكفيكم حق مرتين

اتوقع هذا ارخص مكان بالكويت يبيعهم لان دقيت على اغلب العيادات الخاصه اسعارهم تبلش من 70 دينار لي 250 دينار وكلهم يستعملون نفس الماركه, طبعا اهم حاسبين فتح الملف والاشعه والتنظيف وسعر الماده وشغل الدكتور وكل هذا ما تحتاجونه اذا اسنانكم اساسا نظيفه وما فيها جير

عندهم اكثر من نوع , انا دايما اخذ 35% لان ما يطول بس نص ساعه واشيله بس الي اسنانهم حساسه ماراح يتحملونه اخذوا الي نسبته اقل, بعد التبيض بفتره اسناني شوي صارت حساسه مو وايد بس الحين الحمدالله ردت طبيعيه

رقمهم 22247165 ومكانهم بمجمع تالا السالميه

@dietcenterkw last week

الاسبوع الاخير مع دايت سنتر سافرت العمره ووقفت اكثر من مره وصار لخبطه بالوجبات  وما نزلت حتى ربع كيلو

وبصراحه انا ما جربت غيرهم فما اقدر اقارنهم مع الشركات الثانيه من ناحيه الطعم والخدمه بس من ناحيه السعر الي لاحظته يعتبرون الاغلى

خلصت الاشتراك شهر 2 و نزلت بحدود 4 كيلوات والحمدالله وزني ثابت لي الحين اذا كلش كلش ازيد نص كيلو وارد انزله بس مو معناته اني ماخذه راحتي بالاكل بالعكس عدلت من اكلي 😀

الي عجبني:

-كل الاكل البحري الي ذقته لذييييذ والاهم ما فيه زفره

-اي طبق مع طحينه لذيذ ضروري تجربونه

@dietcenterkw week three

احم اول شي اسفه طولت عليكم بالموضوع وايد لان انشغلت بالامتحانات والجامعه :D

المهم نكمل الاسبوع الثالث مع دايت سنتر 😀

بالصوره الاولى باستا اللحم والخضار والمعكرونه : زوينه بس ثقيله وايد فيها كريمه وناقصها بهارات

 هالكيكه نسيت اسمها يا كيكه التمر يا كيكه انجليزيه: المهم انه اثنينهم ناطعييييين 😀

@dietcenterkw week two

بالاسبوع الثاني نزلت الكالوريز لي 1000 كالوري بدال 1200 والفرق العشاء صار نص الكميه

اليوم الاول

الريوق: مناقيش زعتر ,حلو وخفيف

الغداء:سمك مشوي بصلصه الطحينه واايد عجبني طعمه لذييذ ,والسلطه كانت سلطه الموزاريلا طعمها عادي

السناك: كيك الموكا, ما حسيت بطعم الموكا وااايد حاليه

العشاء:شرائح الدجاج بالبلسميك واقراص البطاطا , كان وايد ناشف وكلش ما حسيت بنكهه البلسميك ما عجبني وايد والي حبطني اكثر كان معاه بصل مع اني كاتبه مابي بصل وعالعلبه من بره مكتوب بدون بصل, والشوربه كانت شوربة بطاط ادمنت عليها

@dietcenterkw week one

اشتركت مع دايت سنتر لمده 4 اسابيع  وانشالله راح احط بوستات إسبوعيه ما راح اترس البلوق 28 بوست كل يوم شنو كليت !! صح البوست راح يصير طويل بس جذي أحسن وأرتب
المهم دقيت عليهم وخذيت موعد وطلبوا فحص دم وعلى اساسه يحددون نوع البرنامج الغذائي والحمدالله كل شي عندي طبيعي فأشتركت ببرنامج

Best Life Diet

عبارة عن

الريوق: الوجبه الرئيسيه و تختارون معاها, لبن – عصير- حليب

سناك 1: تختارون ,سلطه فواكه -فاكهه – روب – روب مع فواكهه

الغداء: الوجبه الرئيسيه مع سلطه

سناك2: تختارون نوع من حلو

العشاء: الوجبه الرئيسيه مع شوربه

–

بما اني مشتركه نادي وقاعده ألعب رياضيه يوميا اللأخصائيه حددت لي 1200 سعره حراريه باليوم

 سناك 1 اخترت يكون دايما سلطه فاكهه بدال الفاكهه العاديه لانه مرات يحطون لي نوع فاكهه ما أحبه أو صعب أخذه معاي لما أطلع مثل البرتقال او الأفندي فما راح اكرر صور سناك 1 بالبوستات اليايه

–

 اليوم الاول

ريوق:مافن بلوبيري مع حليب قليل الدسم ,حبيت المافن خفيفه بس نتفه متعوده على مافن كاريبو شكبره 😛

Updates:Cambridge Diet Challenge كامبردج

اخيرا خلصت 3 اسابيع معاهم وتبون الصج غشيت جم مره ” حبتين ماكنتوش على خمطت بطاط ليز,على جم قفشه تراميسيو على قفشتين معكرونه وقرمه شاورما ” شسوي رجيمهم صعب ما توقعته جذي 😛

بس اذا خربطت ما اكل وجبه من وجباتهم يصير بداله

طعم الاكل عادي بس المشكله مافي شي ما اشتهيت اكله حتى كنتاكي اشتهيته

توقعت 3 لتر ماي سهاله واقولها اي انا اشرب ماي واايد طلعت الي اشربه اقل من لتر 🙂

Cambridge Diet Challenge كامبردج

 رجيم كامبردج بلش ببريطانيا من سنه 1984 وبما انه توه يوصل الكويت قلت اجربه شورانا من رجيم لي رجيم لعل وعسى اصير عصله 😛

قبل ما اروح لهم قريت عنهم بالنت و ما لقيت احد كاتب عنهم شي بالكويت بس معروف بالسعوديه وقطر والامارات

اختي بلشت معاهم قبلي ومشالله شفت نتايج حلوه عليها فتشجعت وسجلت معاهم حق اسبوعين وبعد ما اخلص الاسبوعين اذا شفت نتيجه راح اكمل معاهم لانه طبيعي من جسم لي جسم يفرق

اقل شي عندهم اشتراك مده اسبوعين  قالت لي اخصائيه التغذيه الاخت “عرين” ان بأول اسبوعين راح انزل مابين 4 لي 5 كيلوات واذا قطعت او خربطت بهالمرحله راح ارد ازيدهم لانه كل الي  راح انزله بأول اسبوع ماي وسوائل الجسم والاسبوع الثاني من كيلوين لي ثلاثه الي اهما الدهون

رجيمهم عباره عن 3 وجبات باليوم اشتريها منهم والوجبه عباره عن شوربه او شوفان او ميلك شيك او حليب او ككاو طبعا الاكل كله بودر ويتذوب بالماي وعندهم اكثر من نكهه تختارون منها الي يعجبكم

عندهم طريقتين يا انكم تبلشون اول اسبوعين بس بالاكل مالهم وما تاكلون ولا شي غيره

KDD chocolate milk – high fat !

(picture stolen from banana q8 ) 😛

first of all I LOVE KDD CHOCOLATE MILK !! it’s the best chocolate milk ever !

but there is a problem !!

(click on the picture to enlarge)

the new jumbo size “500 ml” contain:

calories : 400 cal

Fat: 11g

Carbs.: 61g

protein:16.5g

So if ur on a diet think twice before drinking the whole JUMBO !

Home Made Frozen Yogurt

While ago i made this frozen yogurt , & i got the recpie from the lovely             “crazy yet wise” 🙂 , click here for the recipe.

PS: i added vanilla extract to add more flavor.

Or if you’re a “couch potato” person like me 😛 !! simply bring Alwafra yogurt , add one tropicana sweetener and some berries, stir with a spoon, put it in freezer for about 30 min , take out , and enjoy ur home made frozen yogurt !

Halloumi Burger

Heeelllo there 😀

bema ena el-yahal nayem 3ndna fa gelt 5al adesh el-ma6ba5 asawi lehom ryog ! 😛

so hathy kil el-ingredients:

this is the halloumi burger

e5thaw crisco oil spray reshaw shway 3al pan o eqlaw el-halloumi

o reshaw shway 3al burger bread o da5loh el-freen 3shan y9er crispy layer

add spoon of olive oil and zaatar

then add slice of tomato , lettuce, chicken turkey and mustard

that’s it , bon appetit

ps: etha fe badlyat 6wfaw lina ga3da akteb 3al sare3 lazem a6la3 now gabel la t7oshni ez7ma c yaa 😛