أخر تدوينه؟

iStock_000015286795Mediumصبــــــاح الخيــــر

التدوين..البلوق

كتبت موضوع طويييييييل ان هاذي بتكون أخر تدوينه لي وراح أوقف نهائيا بعدين هونت ومسحت كل الي كتبته لما وصلني إيميل من ووردبريس اني كملت 6 سنوات معاهم !

يمكن من الأسباب الي خلتني أوقف تدوين أخر فتره إن بعد التخرج روتيني تغير مع الوظيفه ..وبدال الوظيفه صار عندي وظيفتين وبلشت مشروعي الخاص الحمد الله  فصار ما عندي وقت فراغ كبير نفس قبل مجابله البلوق او أيام قوقل ريدر 24 ساعه

وبعدين قلت مو بس الوقت الي ما يساعد أكتب .. حتى الناس ما قاموا يقرون ويعلقون نفس قبل

بالذات بهالفتره الي الغالبيه نسوا البلوقات واتجهوا لي الانستغرام وسناب جات.. واعترف انا وحده منهم ..مادري ليش ؟ يمكن لان استعماله اسهل؟

كل ما اتذكر التعليقات الحلوه والايميلات الي كانت توصلني اتحسف اني وقفت

كان ما يمر يوم الا وأدش البلوق واقرا تعليقات الناس وأرد عليهم او انزل مواضيع يديده تقريبا بشكل يومي او اقرا البلوقات الثانيه وأعلق على مواضيعهم

كان شي حلو…

طول الفتره الي طافت كنت افكر ارد اكتب واسوي ريفيو بعدين اهون واتكيسل اني اضبط الصور واكتب وكل يوم اقول باجر

بس تبون الصج ولهت على البلوق وودي اروح اي مطعم الحين واكتب عنه ريفيو… مابي اروح افينتات ولا ابي اروح مطعم معزومه

لا ابي براحتي اروح بالوقت الي يناسبني مع رفيجاتي او اهلي اصور واضحك واستانس وارد اكتب الريفيو على راحتي بدون ما التزم بوقت معين او بمجاملات..

بصراحه مادري اذا في أحد راح يقرا هالتدوينه ولا لا… بس الي متأكده منه اني راح ارد اكتب واسوي ريفيوات نفس قبل إنشالله🙂

8 thoughts on “أخر تدوينه؟

  1. حبيبتي 💕💕
    والله حتى انا نفسج صار لي فترة مو كاتبة شي و نفس الأعذار علی بو الوقت ما يساعد و محد نفس اول يعلق و حتى المدونين ما قاموا يكتبون نفس اول .. أحس الأغلب اللي بعدهم يكتبون كله عن ايفنتات معزومين عليها و معارض أحس أغلبها مجاملة
    و صح انستقرام و سناب وايد أسهل و عملي
    يعني عادي عندي كل جم يوم أنزل شي يديد أكتبه بالانستقرام بس اتكيسل أبطل المدونه و اكتبها هناك
    بس احسن قرار اخذتيه ان ما تصكرين المدونة حتى لو صار لح فترة مو كاتبه فيها بس احسها جزء منج حرام تمسحينه

    وايد طولت بالكلام😅 بالاخير مبروك التخرج و الوظيفة
    و موفقة يا رب بمشروعج

  2. كفو كفو كفو .. لا توقفين يبه .. خلج مستمره يا بنت ال بلوق!

    وبعدين في لسته مالت الاشياء اللي تتمنينها ما خلصت خلصيها بالاول بعدين يصير خير .. ما يصير يقولون عنج quitter

    وليش ما سويتي دعايه حق مشروعج الخاص .. وخليتينا نسويله دعايه معاج!!

    المهم مابي يسوي قرقر واجد انا بس ترا قاعدين نتابعج حتى لو ما حطينا تعليقات .. مراقبه يعني .. خالتي قماشه ستايل!!

  3. مع انتشار وسائل التواصل الاجتماعي فترت المدونات لكن صدقيني اهي اللي باقيه واهي الأرشيف الجميل والذكريات الحلوة لحياتنا
    لاتوقفين بالعكس مثل ماقلتي خليج على راحتج وتأكدي انه فيه ناس تقرا حتى لو قليل وعسى الله يوفقج بمشروعج :*

  4. That post really hit the spot when you mentioned the old days of how we do food reviews.

    I miss when I started out and would go with friends to restaurants uninvited and take photos of the food, those were good fun days, or I would buy something that I know I won’t use much but so I can review and benefit the blog’s readers. With the rise of social media influencers things are becoming more and more artificial, transparency is on a heavy decline and I really don’t like where things are going.

    You should do food reviews, because it feels good and it’s a fun experience overall.

  5. انا من متابعاتج من قطر
    وبلوفرات بعد
    كنت سبحان الله افكر بنفس الموضوع من فتره
    انا وقفت لظروف صحيه على ان ارجع بعد ما أطيب
    لكن صرت اشوف الناس مالهم بارض يقرون ههههه
    فمالهم خلق بلوق
    لكني اشوفه يخدم اي رفيو اكثر من السناب والانستغرام
    لان فيه كلام وصور ومعلومات اكثر رقابته ممكن يرجعون لها اي وقت او اي حد يسوي سيرج يدور معلومه عن هالمكان بيلاقي مثلا رفيو عنه
    عكس السناب !
    فاتمنى ما نستسلم ههههه لان في نظري اغلب الي ما يقدرون يكتبون كموضوع ويتعبون فيه وبس يصورون سناب يبون هذره وشهره نابعه من مشكله ترحيبه وطبعا في نقلهم المباشر يبينون شي غير الواقع ان انا واو وفله و اونس وربعي عجيبين علشان كم فالور ويصيرون مشاهير
    اقول البعض مب الكل
    فمادري هاي وجهة نظري
    😁
    انا عن نفسي ما ابي اطلع ويهي في السوشل ميديا فكوني بلوقر واطرح بعد في الانستغرام احس افضل لي

  6. السلام عليكم
    حبيت اكتب هالتعليق لاني فعلا حسيت في شي ناقص…
    استغربت اني ما قمت اشوف لج وايد بوستات و جذي مثل قبل
    بشكل عام ما اتابع وايد ناس بس كل اللي اذكره اني كنت احب اتابعج ما ادري ليش 🙈
    عاد انا احب الكتابه و ودي افتح بلوق اعير فيه عن نفسي ما يصير تحبطيني و تقولين بصكر البلوق هههه
    اتغشمر معاج ما تحبطت ولا شي
    و اتمنالج كل خير ان شاء الله و الله يوفقج يا رب

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s