Opalescence PF تبييض الاسنان المنزلي

opalescence_teeth_whitening_box

سألت اكثر من دكتوراسنان عن احسن نوع تبيض كلهم مدحولي المنزلي لان معترف فيه وعليه دراسات و ضرره اخف من الليزر وتبيضه طبيعي واقدر اتحكم بدرجه التبييض ودلوني على الوكيل الي يبيع الماده بالكويت

كنت مسويه تقويم اسنان بمستشفى الاميري واول ما شلته عطيت الدكتوره الماده وسوتلي القالب حق التبيض وتقريبا بعد 3 ايام استلمت القالب ومن اول يومين استعمال بين الفرق معاي

تحصلون ماده التبيض عند شركه التقدم التكنولوجي ,سعر العلبه الكامله مع القالب 13 دينار (8 إبر) و اذا عندكم القالب وبس تبون الابر يبيعونهم ب5 دنانيير (4 إبر) الابره الوحده تكفيكم حق مرتين

اتوقع هذا ارخص مكان بالكويت يبيعهم لان دقيت على اغلب العيادات الخاصه اسعارهم تبلش من 70 دينار لي 250 دينار وكلهم يستعملون نفس الماركه, طبعا اهم حاسبين فتح الملف والاشعه والتنظيف وسعر الماده وشغل الدكتور وكل هذا ما تحتاجونه اذا اسنانكم اساسا نظيفه وما فيها جير

عندهم اكثر من نوع , انا دايما اخذ 35% لان ما يطول بس نص ساعه واشيله بس الي اسنانهم حساسه ماراح يتحملونه اخذوا الي نسبته اقل, بعد التبيض بفتره اسناني شوي صارت حساسه مو وايد بس الحين الحمدالله ردت طبيعيه

رقمهم 22247165 ومكانهم بمجمع تالا السالميه

6 thoughts on “Opalescence PF تبييض الاسنان المنزلي

  1. اليوم خذيت من مستشفى الهادي القالب مع الجل اللي اهو تركيزه ٢٠ بالاميةو قالت لي بس نص ساعه حطيه و الحين ادور بالنت و لا يقولون من ساعتين الى اربع ساعات شكلي بروح هالصيدلية و اخذ نفس نسبتج احسنلي مشكورة على المعلومات المفيدة حبيبتي

    • داخل العلبه في كتيب صغير مكتوب كل نسبه وشكثر تحطينها
      كل ما زادت النسبه قل الوقت اذا اسنانج مو حساسه احسن لج الي بنص ساعه و ال 10 بالاميه تنامين فيه
      العفو واعتذر عن التأخير بالرد :*

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s