Trip To Istanbul Part 1\ تركيا-إسطنبول

IMG_9896_edited-1بعطله الربيع شهر 2 سافرت تركيا

طبعا الحجوزات (الفندق والتذكره) عن طريق موقع اكسبيديا

 رحلتنا كانت على الطيران التركي لمده 9 ايام بس تمددت لي 12 يوم بعدين اقولكم ليش😛

والفندق حجزنا بإسطنبول في منطقه تقسيم فندق نيبون

ما صورته بس تقدرون تشوف الصور بموقعهم

حجزنا فيه اول شي بس 3 ايام لان كنا مخططين نروح بورصه ومناطق ثانيه ما كنا ناويين نقعد بإسنطبول وايد لان مافيها شي ما غير مطاعم وسوق ومتاحف

الفندق مو كشخه بس حيل نظيف ومرتب والخدمه حلوه والموقع ممتازعند ميدان تقسيم و قريب من شارع الاستقلال نروحله مشي

المهم وصلنا الفندق الفير وريّحنا شوي بعدين نزلنا نتريق بالفندق (اكلهم زوين يمشي حاله) وخذينا خريطه من الريسبشن وقالنا عن مناطق الحلوه وعطانا كرت للقطار لان اسرع وارخص بوايد من التكاسي

اول ماطلعنا من الفندق رحنا بقاله يم الفندق وخذيتلي خط ما استحمل اعيش بدون انترنت😛

 شي لازم تعرفونه اذا مخططين تسافرون تركيا مره ثانيه اخذوا خط رسمي من الشركه وعليه بياناتكم لان اذا خذيتوا خط من بقاله ماعليه بيانات لما تردون تركيا مره ثانيه ينقفل التلفون ولازم تدفعون غرامه او تشترون تلفون يديد عشان تقدرون تستعملون الخط التركي

المهم رحلتنا بلشت من مترو ميدان تقسيم واول محطه وقفنا عندها كانت منطقه كاباتاش

tumblr_m5ioajvRgz1r54c4oo3_1280

كاباتاش عباره عن ميناء يوصل لي جزيره الاميرات او بورصه او حتى الجزء الاسيوي مافيها شي

  بعد ما تطوفون الميناء بشوي راح توصلون منطقه بشكتاش اغلبها جامعات وفنادق وفيها متحف للقوات البحريه بس ما دخلنا له

اهم شي بهالمنطقه اهوا قصر دولما باهتشة رحناله بس التصوير ممنوع ماقدرت اصور شي حسافه وحتى لما طلعت نسيت اصوره من برا فطلعت لكم صور من النت

7580741206_be80133718_b 7580743088_cd1db591ba_b

المهم هالقصر ستايله اوروبي اكثر من عثماني ويطل على ساحل مضيق بوسفور

الدوله العثمانيه اعلنت افلاسها بسبت هالقصر كلفهم اكثر من 10 ملايين قطعه ذهبيه وكان يعتبر مثل الشاليه للسلاطين بعدين قرروا يخلونه مقر لاستقبال الضيوف الاجانب لان موقعه قريب من الميناء

اخر (سلطان عثماني سكن فيه اهوا عبدالمجيد الثاني) وبعد ما عزل من منصبه وانتهى زمن الدوله العثمانيه تحول القصر لقاعه للاجتماعات واخر شخص سكن فيه هو (مؤسس الدوله العلمانيه مصطفى كمال اتاتورك) وتوفى بنفس القصر وبعدها تحول القصر متحف

بعد ما خلصنا من القصر صار وقت الغدا وقررنا نتغدا بمطعم حديقه اولس

تمشينا ووصلنا منطقه اورتاكوي (جزء من منطقه بشكتاش ) وطفناها ووصلنا فندق الفورسيزن وكل ما نسأل احد وين حديقه اولس يقولون لنا قريبه يبيلها مشي 5 دقايق بعد ما طلعنا الخريطه ودورناها الا اهيا بأخر منطقه بشكتاش ويبيلها عالاقل 10 دقايق بالتاكسي واحنا مشتطين نمشي😛

IMG_0771IMG_0714 IMG_0758القعده تينن تطل على مضيق بوسفور والاكل كله كان لذييييييذ والخدمه حلوه ,الشي الوحيد الي نرفزني ريحه الشيشه المكان متروس عرب

يقولون الفيو وقت الغروب وايد حلو واحسن مكان عشان تصورون جسر البوسفور بليلIMG_0741 IMG_0736 IMG_0745 IMG_0744بعد الغدا ردينا منطقه اورتاكوي نتمشى فيها

اورتاكوي معناها “القريه صغيره” مع انها كلش مو صغيره بس يعتبرونها صغيره مقارنه بالي حوالينها, هالمنطقه ونيسه كلها مطاعم وكشكات الكومبير (بطاطه محشيه) ومحلات وافل وبازار والمنطقه تطل على مضيق بوسفور

IMG_0903ضروري تجربون وافل اورتاكوي وايد وايد وايد دمار ,ومدحولي الكنافه والكومبير بس كلش ماكان في مكان بعد الوافل

IMG_0715 IMG_0717مسجد اورتاكوي أقدر اقول عنه اصغر مسيد دشيته بإسطنبول مجكنم😀

وبعد المسجد تمشينا بالبازار لما غربت الشمس عشان نشوف جسر بوسفور بليل

صورنا يمه وانحشنا بسرعه من كثر الزحمه ,وثلاث ترباع الزحمه من الكويتين حسيت نفسي اتمشى بالافنيوز مو تركيا😥

IMG_0901 IMG_0891ولي هني خلص الجزء الاول من سفرتي لاسطنبول

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s