الفلم مقتبس من قصه حقيقيه احداثها وقعت بالقرن 19 عن رجل امريكي حر (سولمون) يتم اختطافه ويباع في سوق العبيد وبعد 12 سنه من العبوديه يتم اثبات حريته ويرجع لحياته الطبيعيه
القصه انسانيه وحلوه بس وااايد طويل هالشي خلاه ممل
براد بيت ماله اي دور رئيسي بالفلم يطلع بأخر 10 دقايق من الفلم اتوقع ماخذينه بس عشان يشتهر الفلم
اعطيه 6\10
Thanks for the review, I really wanna see it
اهلا اختي ماشاء الله مدونتك مره مميزه , بس كان ودي اسألك عن الأماكن الحلوة في الكويت والمطاعم الشعبية الزينة لأني جاية الأسبوع الجاي للكويت مع الأهل ومشكوره
اعتذر عن التأخير بالرد وانشالله تكونون لي الحين منورتنا بالكويت
عندج هالموقع فيه الاماكن السياحيه مع ارقامهم واوقات العمل
http://www.e.gov.kw/sites/kgoarabic/portal/pages/visitors/tourisminkuwait/activitiesinkuwait_attractivespots.aspx
وعندج قريه رمال بأرض المعارض في منطقه مشرف انصحج فيها لا تطوفينها
واذا موجوده لي تاريخ 5 ابريل في سوق قوت بمجمع الرايه
وهذا الموقع فيه كل متاحف الكويت
http://www.e.gov.kw/sites/kgoArabic/portal/Pages/Visitors/TourismInKuwait/ActivitiesInKuwait_MusiumsAndGalleries.aspx
بالنسبه للمطاعم الشعبيه انصحج بمطعم بزه و فريج صويلح او كوت واي بالسالميه و بالمباركيه عندج دلق سهيل والشمم