Wish list: Ride a bike ✓

photo(1)

واخيرا من بعد 23 سنه الا شهرين بتعلم اركب قاري بو تايرين😛

بما اني اخر العنقود الوالده الله يحفظها كل الالعاب الي ممكن اطيح او اتكسر بسبتها كان ممنوع العبها وانا صغيره حدي حدي قاري بو 3 او 4 تواير

 زين جذي يما الله يسامحج خليتيني اتكسر واتفشل على كبر

المهم بما ان اجازه والجو حلو وكبرنا بما فيه الكفايه قلت فرصه ابلش اتعلم اسوق قاري بو تايرين😀

دورت اماكن يأجرون قواري بالكويت كنت ابي اجرب الوضع قبل ما اشتري قاري

لقيت اكاونتين بانستغرام يأجرون بس مشكلتهم يبشلون العصر و يحددون مكان والناس يروحون لهم وانا كنت ابي الصبح وبمكان هادي بعيد عن الزحمه

اول شي عن الفشيله مابي اطيح واتكسر جدام الناس وثاني شي هم عشان اخذ راحتي واستانس ما احب اللويه😛

اخر شي استقريت على الجزيره الخضراء  لان عندهم تأجير قواري و يفتحون من 8 الصبح بس الي يأجر قواري يفتح 10 الصبح

احلى شي بالموضوع الجزيره الخضرا كلها صارت لنا صج خذينا راحتنا مافيها احد الصبح اللهم بس القطاوه

اجرنا منهم قواري الساعه على 5 دنانيير , على ان القواري يديده وبقراطيسها بس كلش مو مريحه

طحت وتكسرت عدل بس ما غيرت رايي بتعلم يعني بتعلم😛

امس مريت ديكاتلون المارينا اشوف القواري الموجوده

وحصلت عندهم نوع يتسفط شوفوا الفيديو

ماركه b_fold

big_800PX_mediacom_427441150وايد عجبني وزنه خفيف ويتسفط يعني ماله داعي اركب الستاند على السياره

عندهم 3 انواع انا خذيت العادي

سعره 74 دينار معاه جنطه للسفر وليت امامي وخلفي بس غيرت الكرسي لانه مو مريح وزدت عليه ستاند للماي طلع علي ب88 دينار وعليه كفاله بس سنه

سعره اغلى من ديكاتلون بريطانيا ب10 دنانير تقريبا وهالشي معقول بس كفالتهم ببريطانيا 5 سنين

تقدرون تقرون الموصفات اكثر بموقعهم وتشوفون الانواع الثانيه

www.decathlon.co.uk

الي بخاطره يتعلم هذا وقته الجو حلو مشالله واجازه شنو احلى من جذي

ويا معشر الامهات والابهات علموا عيالكم على قواري من واهما صغار والله العظيم كلش مو سهل الواحد يتعلم على كبر 😥

4 thoughts on “Wish list: Ride a bike ✓

  1. ذيك المره عاد مأجرين قواري
    من زمان مو راكبين
    ركبتي و ريولي عوروني عقب ماكو لياقه كلش هههه
    أجرناهم من اكاونت بانستاغرام
    الساعه ب5 و التأمين 20 و كل ساعه اضافيه بـ 3 دنانير
    توني ادري اكو تأجير بالجزيره الخضرا بقول حق اللي عندي نروح
    تغيييير جو و وناسه
    هالقاري اللي يتسفط عاجبني
    بس احسه بطيء على هالتواير الصغار
    اعتقد كل ما اكبرو التواير صار احسن
    عليج بالعافيه

    • الله يعافيج
      اول ما شفته توقعت حيل بطيء بس الموظف شرحلي ان ماله علاقه حجم التاير بالسرعه
      والحين تقريبا صارله سنه عندي ومرتاحه منه كافي ان يتسفط ووزنه خفيف وسرعته حلوه بس تحسفت ما خذيت الي معاه قير
      واعتذر عن التأخير بالرد ;*

  2. واااو!
    وايد حبيت❤️❤️❤️❤️

    ماتدرين اذا في تاجير بليل؟

    مشكوووره وايد على هالاقتراح❤️

    • اي موجودين تقريبا لي 9 بليل
      ومن يومين بالصدفه لقيت اكستريم سبورت عندهم كشك عند بحر مرينا ويفز يأجرون قواري بس ماعندي فكره عن اسعارهم
      العفو واعتذر عن التأخير بالرد :*

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s