السلام عليكـــم ,الموضوع راح يكون طويييييل “قلبي متروسه” فطولوا بالكم شوي 🙂
من قبل فترة مريت زارا بما انه عملي وينفع حق الجامعه شريت لي جم قطعه , لما رديت البيت وشلت التاق مال السعر ,اللزقه كانت متحركه ومبين تحته في سعر ثاني شلت السعر وطلع السعر الاصلي باليورو
حولت السعر لي دينار وهذا الي طلع لي
| 50.00 EUR | = | 18.7926 KWD |
| Euro | Kuwaiti Dinar | |
| 1 EUR = 0.375851 KWD | 1 KWD = 2.66063 EUR |
يعني سعر القطعه 18 دينار ! طبعا 18 دينار معناته حاسبين كل تكاليفه من صناعه وضرايب وفوقهم الارباح وجاهزه للبيع !! ايي التاجر “الكويتي” ويغير السعر ويزيده لي الدبل 32.500 دينار ليش ؟؟؟ الناس يزيدون بالكثير 10%مو 50% , ليش ؟؟اشتري شي ما يسوى بيزه من تكلفته
وين حمايه المستهلك ؟ وين الرقابه ؟ وين نوابنا الي فالحين بس يتهاوشون ويبوقون ويصرخون ويفشلونا جدام خلق الله ؟؟
اتصلت على حمايه المستهلك بستفسر اذا في قانون يمنع التاجر يزيد اسعاره , طبعا اتصلت اكثر من مره لانه كل موظف يرد علي بشي !! مايعرفون شالسالفه الي يقولي يبي الفاتوره والي يقولي لا احنا مالنا سلطه عالتاجر يقدر يحط السعر الي يبيه !عفوا عيل منو الي له سلطه عالتجار ؟
لي متى مستغفلينا ومستغلينا ؟ والمشكله كل الشركات صارت صناعة الصين اجهزه, ملابس ,حتى الماركات, اثاث, مكياج,ادويه كل شي !! لانه الايدي العامله عندهم ارخص معناته البضاعه لازم ترخص بس التاجر يرد يبيعها بنفس السعر القديم هذا بعد اذا مازاد السعر اكثر لانه وصل مرحله جشع يبي الربح يزيد بأي طريقه , عليه بالعافيه خل يزيد ربحه بس مو بهالطريقه ,هذا نصب ! والمشكله ان سألنا التاجر ليش زدت اسعارك يقول: واللله الاجارات غاليه شنسوي؟ لا والله اذا المجمع بكبره ملكك اجار شنو بالضبط؟؟ , تأجر المحل على نفسك ؟ اوكي المجمع مو ملكه ومأجر المحل من شخص ثاني “وصالخينه” بالاجار , وين الرقابه عنهم ؟؟
لي متى عندهم الكويتي يبيض ذهب, الكويتي ما يهمه شي يمشي ويشري ويقط , الكويتي بيشتري بيشتري ماراح يهتم بالسعر حتى لو زاد
على شنو يزيدون اسعارهم ومافي جوده بالمنتج؟
في ناس بيقولون شدعوه معصبه على جم دينار !! اي بعصب على جم دينار مو نحاسه مني لا بالعكس معصبه لانه التجار قاعدين يستغلونا وانا وحده ما احب الي يستغلني او يستغفلني!! ليش هالاستغلال ليش اشتري قطعه والمفروض اني بسعرها الاصلي اشتري قطعتين
الزياده مو صايره بس بزارا ! كل الي مفروض تكون اسعارهم رخيصه زادوا
حتى ” اتش & ام ” مو مقصرين وهاذي صوره صبغ اظافر من مدونه رورو السعر كان 1.750 صار 2.500 بعد اقل من شهر تقريبا وطبعا الجوده تعبانه
—-
وهذا بعد موضوع ثاني عن “مارك & سبينسير” من مدونه
| 4.00 GBP | = | 1.72820 KWD |
| British Pound | Kuwaiti Dinar | |
| 1 GBP = 0.432051 KWD | 1 KWD = 2.31454 GBP |
شوفوا هالفيديو من تقديم المذيع حسن البحراني 🙂
—
نرد حق باجي المواضيع هذا موضوع ثالث من مدونه بنت الكويت وحده من رفيجاتها كاتبته عن زيادة سعر المكياج بأكثر من محل
—-
خلصنا زياده اسعار المحلات الحين نزوح حق زيادة اسعار المطاعم وهذا موضوع من مدونه
المطعم الاول” تشيليز” الي الكل لاحظ فرق زيادة اسعارهم وكميه الاكل ماتغيرت على حطتها …والعصفورة قالتلي انهم قاموا يستوردون اكلهم من المغرب لانه ارخص 🙂
*الي بالرصاص السعر القديم*
المطعم الثاني:”روبي تيوسداي” اقرو المكتوب وشوفوا ردة فعل المدير
اتصلت على حماية المستهلك وهالمره سألتهم عن
service charge
الموظف الاول: اختي بس دقيقه نطري عالخط …طوط طوط طوط احم
دشيت موقعهم ودزيت لهم ايميل والاخ خالد الزامل ما قصر رد علي
قبل ما يرد علي الاخ خالد رديت دقيت مره ثانيه و رد علي موظف
الموظف الثاني: سألته في قانون يمنع السيرفس “البقشيش” قالي اييي نعم في ! قتله عيل ليش مو مطبقين القانون ؟ قالي اهوا مافي قانون فعلي..عفوا توك تقولي في قانون ! قالي تقدرين تكلمين مدير المطعم يشيلها من الفاتوره ! قتله واذا ما رضى يشيلها ؟ قالي يبي لنا الفاتوره واذا شفنا الشكاوي زادت عالمطعم نعطيه انذار اذا ما فاد معاهم نصكره جم يوم
وهذا رد الاخ خالد الزامل
nationalkuwait معلومات عن موضوع منع المينمام الي ذكرها الاخ خالد تلقونها هني
الي اهوا المطعم يحدد لك سعر معين مثلا ما تطلب شي اقل من 5 دنانير هذا في قانون رسمي يمنعه الحمدالله
بس الي ضيعني ان موظفين حماية المستهلك يقولون لي في قانون يمنع السيرفس والاخ خالد زامل يقول”لا يوجد فالقانون ما يمنع او يسمح”؟
انزين اذا الموظف كان منفس ويتأخر بالطلب او يغلط بالطلب على اي اساس يجبروني ادفع له السيرفس ؟
رساله للتجار: خافوا الله فينا وراكم حساب وعقاب ..كافي انكم قاعدين تستوردون الاغراض جاهزه مجهزه لا تكاليف صناعه ولا تكاليف مصممين ولا عمال ولا ضرايب كل الي تسونه شحن ويوصل لكم جاهز مجهز ليش المبالغه بالاسعار؟
رسالة للمسؤولين: اتمنى منكم تتحركون وتشوفون حل حق زيادة الاسعار المبالغ فيها
رسالة للمستهلك: لا تسكتون عن حقكم مجرد ما تلاحظون زياده بالاسعار اشتكوا للجهات المسؤوله ,الموضوع كله بيد المستهلك اذا التاجر شاف المستهلك راضي بيزيد السعر على راحته لانه محد يشتكي
UPDATE
توني قريت بمدونة “ابو فلان” ان وزيرة التجارة اصدرت قرار بمنع السيرفس في المطاعم
خبر حلو واتمنى ان يطبق بالواقع وما يصير حاله حال باجي القرارات والقوانين بالديره
وانشالله بعد التطبيق ما انصدم ان سعر الاكل زاد لان التاجر يبي يعوض سعر السيرفس
لقراءة المقالة كامله : كونا
ارقام طوارىء البلدية اضغط هنا
ارقام حماية المستهلك اضغط هنا
رقم الخط الساخن لوزارة التجارة : 135
3ateeja's Blog 
=( its sad el kl 9ayr 6amaa3 9ar feehom jasha3 yaboon akthar wel tjaaar yaboon akthaar walaaa they should stop and say el 7mdilaa
ee walla ! ma ytres 3enhom el-trab !
9aja wllah ilna9b we9l mraa7il motaqadima ashwa b3d lghaw illminimun charge
ee wallaah !
أول شي أشكرج هلى هالموضوع صراحة لازم نبطله ونوقفهم عن حدهم
وانا عندي جم موقف و ملاحظة على هالموضوع :
بالنسبة حق سالفة السيرفس شارج ذاك اليوم كنا رايحين “مغل محل ” اللي بشرق و يوم يينا بنحاسب ولا حاطين عمولة خدمة ١٠ او ١٥٪ ماذكر بالضبط بس طلعت لهم فوق الدينار، نادينا المانيجر و قلناله ليش حاطين سرفس ممنوع و من هالحجي ضحك و قال بما معناه احنا من زمان حاطينه هذا شب متعارف عليه صاحب المحل حاطه و لا مرة احد اعترض و من هالحجي اللي مايودي ولا اييب ، المهم قلناله مومسكلة بس حبينا نستفير و دقينا على حماية المستهلك محد رد طبعا!!
الشي الثاني واللي الكل لازم ينتبه له اهو مطاعم الهوم ديليفري او خدمة التوصيل للمنزل ، اغلبنا يمكن عبالهم ان التوصيل ببلاش او مايدري، لأ عرا ياخذون يمكن ايام قبل ١٠٠ بعدين ربع دينار الحين صار أكثر مثلا بيتزا هت ٣٠٠ فلس!
طبعا لازم كل ماطلب مطعم وجبات سريعة قمت اشوف الفاتورة القى شي زيادة مثل اكسترا جبن و محاسبيني عليه وانا ماطلبته، عادي ١٠٠-١٥٠ فلس الكويتي مايحس فيها! من هالمطاعم برجر كنج – ماكدونالد – بيتزا هت
أو اطلب شي اكسترا مثلا مشروم و اتحاسب عليه و اييني الطلب بدون هالاكسترا ( أويشي سوشي – جوني روكتس)
كل هالمطاعم اللي قلتها من تجربة شخصية بحتة موكلام منقول!
واعتذر عالاطالة
اي سالفة الاكستره جبن ما اواطنها لأني ما اكل جبن
مره كوفي بين حاطين لي جبن بنص دينار!!!! تخيلي ! اهم كل ما تطلبين على طول يسأل “مع جبن؟” وطبعا ما يقول ان بفلوس وانا كل مره اقول لأ بس هذيك المره كان السايق رايح اييب الطلب وما يدري قال لهم اي
انزين الله لا يوفقكم انشالله حطو قطعه واحده مو ٥ قطع !!! وبرغر كنغ هم يسويها بس هذيله اخس حتى ما يسالون على طول يحطون قطعتين زياده
اي انا مايهمني الجبن بس شكو تحط و تحاسبني عليه وانا ماطلبت؟ ولا شايفيننا مهزلة ندفع وبس
eee wallah 9ij elmawthoo3 yeghar .. elmishkila inah elshaye3 mask kilshay o kilshay maskah as3arah double ele barah .. 3ala fikra #135 mo shagal elyom 7a6een burisli 3al tv etgol inah still el5a6 moshagal o beshglonah greeb .. 3ad greeb meta allah ye3lam ..
بالنسبه لزيادو الأسعار..
اتش اند ام لو تشيلين السعر من المكياج تلقين السعر اللي حاطته الشركه بس طبعا وكيلنا الحرامي ما يمشي عليه بالكويت بس بدبي ما يتجرأ يسويها
وما دام وزارة التجاره ما عندها سلطه المفروض احنا ما نشتري منهم ونفرض سلطتنا عليهم.. بس المشكله ان فيه ناس تشتري ما يهمها السعر… حطي نفسج مكان التاجر ـ ما دام فيه ناس تشتري السلعه ب٥ دنانير راح تبيعينها بدينار؟؟
زارا الكويت اكبر حرامي بالعالم !!
بالصيف كنت رايحه اسبانيا انصدمت من اسعار زارا مالهم رخيييييييييص
وفوق انه رخيص بعد كان اكو سيل على كل شي !!
زارا الكويت يسوون على كل شي ؟ لا طبعاً يسوون على البقايا و ستوكات ملوت قبل سنتين !!
تخيلي جوتي (تكرمون) انا شايفته بالكويت بـ 30 دينار و تغاليته ما شريته
اهناك بـ 20 يورو = 8 دنانير هههههه
اي والله زارا حرامي المشكله ربحان حده و محله كله متروبس عالم
واخيرا برد 🙂
عندج لاش بعد سعر الشغله بالنت وبرا مايغيرون الا العمله ..
يعني اللي ب2 باوند يخلون 2 د.ك:\
مع انه المفروض دينار..
زار يحطون بالتاغ سعر وعند المحاسب يطلع سعر 2 !!
وعادي من فرع لي 2 يفرق السعر حزت التنزيلات ..
وهذا قيض من فيض