تشوفون الدائره الورديه عالطوفه؟؟؟
مو مبين؟؟ اوكي صوره اقرب
–
–
شي واحد ابي افهمه !! الاخت شنو كانت تفكر فيه لما باست الطوفه؟؟ فييي ادمي طبيعي يبوس الطوفه؟؟ ولا كانت تبي تشوف طبعة “براطمها” انزين ما تعرف على كلينكس؟؟ ولا الكلينكس صار اوصخ من الطوفه ؟؟ ما فكرت ان في كاميرات ؟ او احد يمر يشوفها تبوس الطوفه شبيحطون ابالهم عنها ؟؟؟
She’s SOOOO DISGUSTING ;@
Girls would u do it?? Plzzz say NO !!
Spotted @FOS KU Physics
Department
انصدمت من هالخبر فوق شينهم قوات عينهم ,انا وحده ضد الاكل بالدوام
اول شي راح يعطلون معاملات الناس
ثاني شي ريحة الاكل بتترس المكان
ثالث شي حضاريا مو حلو شكلهم لما المراجع يدش عليهم واهما ياكلون
اتوقع يقدرون يتريقون بالبيت
صارلي موقف من قبل فتره بخدمة المواطن انصدمت اغلب الموظفات هادين شغلهم ومجابلين اكلهم جدام الناس حتى مو قاعدين بغرفه بروح, قهوه راده وحلو ياي وتعال يا محمد صب لي جاي؟ عفوا قاعدين بالبيت ماخذين راحتكم ؟ نطرت بحدود ساعه وربع , دشيت على المدير بشتكي الي يضحك ان وين مالف ويهي كان مكتوب ممنوع التدخين وانصدمت ان اول ما دشيت عالمدير كان قاعد يدخن , قتله بكل هدوء مكتوب ممنوع التدخين وراك , ضحك وانحرج وطفها وبكل ثقه قالي اي صح وانا موقعها بعد ؟؟
تتحلطمون ليش مو قاعدين نتطور تتحلطمون ليش معاملات ما تخلص , تتحلطمون ليش المباني والشوارع ما تخلص بوقتها وتاخذ سنين على ما تخلص , غيرنا تطوروا لانه يمشون عالقانون صح ممنوع الاكل وقت الشغل ممنوع التدخين برا الغرفه المخصصه للتدخين ممنوع يطلعون قبل ما يخلص وقت الدوام ممنوع يتكلم بالتلفون الا للشغل باختصار يطبقون كل قانون ينفرض عليهم
صدقوني خل كل واحد فينا يشتغل بذمه وضمير ويذكر ان ربه بيحاسبه على الي قاعد يسويه حزتها راح نرد درة الخليج
الصورة من مدونة Q8Ping
btw they have fat free frozen yogurt yey ! 😀
الزبونه: السلام عليكم
الموظفة: وعليكم السلام تفضلي ياحبيبتي
الزبونه: ابي كريم ميبو مال الحروق
الموظفه: حاضر عاوزه حاجه تانيه
الزبونه: لا شكرا
الموظفه: سواني
“ترجع الموظفه”
الموظفه: بؤلك يا حبيبتي انتي بتستعملي ايه لوشك؟
الزبونه: ها؟
الموظفه: اصلو بشرتك مرهقه اوييي ما تقربي الكريم ده
الزبونه: لاا ماله داعي
الموظفه: سدئيني دا بيعطي حيويه ونضاره لبشرتك اصلو واضح بشرتك تعبانه اوي
شوفي خودي حطي من الكريم ده اول ما تصحي من النوم وده للنهار وده لليل وبشرتك بتصبح زين الفل
وبقؤلك كمان انتي شعرك قاف ولا دوهني ولا ايه ,اصلو عندي منتج خطير خالص
الزبونه: مابي شي ممكن احاسب؟
“الموظفه: ااه حاضر ” اندقرت
الموظفه: عاوزه احسب لك دوووول كمان؟
الزبونه: لااااا
الموظفه: ااه معلش افتكرتك عوزاهم….تفضلي الفاتوره
“الزبونه: ” تقب من المكان بسرعه
اااه يا مداااااام ياا مدااام في كمان حاجه رهيبه تانيه تعاليي ياا مدام … الله هيا مشيت بسرعه كده ليييه ؟؟هو انا اؤلت حاقه لا سمح الله ؟؟
!!طبعا هاذي حالتي كل ما اروح الصيدليه !!؟ 😀
مستغربه من هالقانون لانه الجامعه بكبرها مختلطه
بالمحاضرات شباب معانا داشين باي فورس
وبالكافتيريا بعد يدشون يطلبون من ستاربكس وسكند كب وغيره
بسكوير الجامعه الشباب مع البنات
بالتصوير يدشون مع بعض على انه في تصوير حق الشباب وفي تصوير حق البنات
اللهم الحمام تكرمون الي طبعا مافيه شباب-بعد هذا الي ناقص😀
الزبده وين ما نروح بويهنا
انا الي بعرفه من الاساس شفايدة هالقانون دام مو مطبقينه وليش اقروه دام ما عندهم امكانيات كافيه
الي يقهر بفترة التسجيل يبطلون شعب شباب اكثر من شعب البنات ويدرون ان نسبة البنات اكثر من الشباب والي يصير يا انه البنت ادش شعبه شباب باي فورس او يضيع عليها كورس كامل
وطبعا اغلب شعب الشباب فاضيه ان كثروا 10 طلبه هذا طبعا على كلام دكتورتي ولا تقول زين منهم ان داوموا والبنات وعليه علينا وحده فوق الثانيه مشالله من كثرنا اللهم زيد وبارك
انا اصر واقترح دام بيطبقون منع الاختلاط خل يطبقونه عالمسافط بعد ويسوون لنا باركنق حق البنات
> ممنوع التدخين <
يا كره الي يدخنون وفوقهم علامة ممنوع التدخين !!هالحركه شسميها ؟ قلت ادب, عدم الاحترام للمكان الي اهوا فيه ولا رباده ما يبي يطلع برا عشان يدخن ولا يسوي نفسه ما يشوف اللافتات ترس المكان؟؟
اذا الله مبتليك بالتدخين لا تأذي غيرك والله عيييب
والله لما ادش القاعه الريحة تكفخ فيني هذا اذا ما صبغت فيني من كثر ما يدخنون والله خنقه
مو ناقص الا يحطون لهم شيشه ويبسطون
طبعا حتى بالمطار والمجمعات مو مقصرين يمشون ويكفخونا بالريحه
لو ريحتها حلوه ما قلنا شي بس الريحه تييب المرض
حرام عليكم رحمووونا حسوا فييينا
> ممنوع الوقوف<
شكو ممنوع الوقووووووف من زووود المسااافط ؟؟؟؟ على ما الطلبة يخلصون محاضرات الا عمي الشرطي مرتز وقاعد يسطر المخالفات
سؤال حق عمي الشرطي:هديت كل المخالفات الي بالشوارع ما ييت الا حق طلبة الجامعه الي مجبورين يخالفون
لي متى على هالحال الطلبه يسفطون اخر الدنيا ويمشون بهالحر على ما يوصلون المحاضره الا ساحوا مساكين واذا كلش من صباح الله خير يقعدون من النوم بس عشان يحصلون مسفط على ما تبدي محاضرتهم الا اهما بسابع نومه
————————
والله عندنا قوانين حلوه بس ليش محد يطبقها وليش ما ناخذها بجديه ؟؟ والي يقهر لما نروح ديره ثانيه نحترم قوانينهم بس بديرتنا نلعب لعب حتى الوافدين تعلموا يخالفون القوانين بسبتنا شافونا ما نمشي عالقوانين قالوا خاربه خاربه اي ليييش شوفوا الدول وين وصلت واحنا وين والله لو نمشي عالقوانين راح نوصل حق الي نبيه بس المشكله كل واحد يمشي بمزاجه
عذروني قرقت وايد بس قلبي متروسه😀
اييييه هاذي الكويت صل على النبي
3ateeja's Blog 