من قبل فتره تكلمت عن هالشي بالأنستغرام بس لي الحين توصلني ايميلات دعايات فحبيت اثبت الموضوع هني…
اول ما بطلت المدونه وانا هدفي الاساسي اني استانس واضيع وقتي بشي احبه او اكتب رايي الشخصي بمنتجات جربتها و اتحلطم او اشاركم بجزء من حياتي
الي قاعد يصير حاليا اغلب المدونات صارت تجاريه حتى الي توهم بطلوا مدوناتهم “البعض” هدفهم تجاري بحت وبس ينزلون بهالاعلانات والدعايات حالهم حال جريده الوسيط وهالشي راجع لهم , والي عندهم مشاريع يبون يعلنون عنها سيدا يروحون للمدونات لانهم خذوا فكره ان كل المدونات = دعايات
عن نفسي اسمحولي ما راح احول مدونتي لي جريده الوسيط بدون ما اكتب رايي الشخصي بالمنتج او المعرض بدون ما اروح له!
وعشان ما تحرجوني ولا احرجكم حطيت مساحه اعلانيه “بدون مقابل” للمشاريع الكويتيه الصغيره فقط كنوع من الدعم وعشان ما اردكم كل مره 🙂
الشروط
– صاحب المشروع كويتي الجنسيه
– مشروع صغير ” يعني لي الحين ما عندكم محل”
– الاعلان يشمل المدونات او المواقع اليديده ويشمل المعارض المنزليه
مواصفات الاعلان
– مقاس 200x 300
– الاعلان يحتوي على الموقع او رقم التواصل
– صيغه الاعلان GIF or PNG
– ارسال الاسم والبيانات على ايميل المدونه
فترة الاعلان تتراوح مابين 3-4 لي اربع اسابيع عشان المشاريع الثانيه تاخذ نصيبها 🙂
مادري حسيت لويه وماله داعي انتوا شرايكم بالموضوع ؟
3ateeja's Blog 