Qatar trip part 3 دار آل ثاني

اول شي السموحه وايد طولت على ما كملت الموضوع بس تبون الصج عندي وايد صور من السفره وكل مره انشغل ومايمديني افرزهم واعدلهم ,هاليومين انشاءالله بخلص من موضوع قطر عشان احط لكم موضوع سفرتي لمسقط 🙂

–

قبل ما نوصل قطر وحتى لما وصلنا قطر الكل كان يقولنا ضروري تروحون تشوفون متحف الفن الاسلامي , بصراحه ما كنت متشوقه لاني ما احب المتاحف بالذات اذا بدوله خليجيه لانه متحف بدوله خليجيه يعني قاعه صغيره وظلمه واشياء ممله مو على مستوى المتاحف الاوروبيه للاسف مافي اهتمام بالمتاحف عندنا

اول ما وصلنا فهمت ليش الكل قالي روحي, ببساطه عباره عن تحفه فن معماري مو بس متحف لعرض النوادر , عمار يا قطر  🙂

تصميم المبنى اسلامي مودرن حده عجيب والي عرفته ان الي مصممه نفس المهندس المعماري الي صمم متحف اللوفر في فرنسا

المكان شررررح النور يدش من كل مكان والتصميم روعه مهتمين بأدق التفاصيل المتحف عباره عن 5 ادوار كل دور احلى من الثاني

الدور الارضي عباره عن كافيه يطل عالبحر ومحل للهدايا وقاعه للمعارض بين فتره وفتره يحطون شي يديد

محل الهدايا الدور الثاني والثالث معارض ثابته عن مقتنيات العصر الاسلامي

هالرسمه العجيبه يعني تخطيط حق هيكل الانسان ايام قبل 😛

عند كل قطعه حاطين سماعات تلبسونهم وتسمعون قصه القطعه المعروضه وتاريخها هالفنيان عور قلبي ذهب مرصع ألماس وياقوت واحجار كريمه 

الدور الرابع في قاعات عرض تتكلم عن الحضاره الاسلاميه وقاعات محاضرات

الدور الخامس فيه مكتبه حلوه ومطعم ومكاتب الاداريين

–

خلصنا من المتحف الفن الاسلامي وغربت الشمس وتكمله الجزء الرابع بنزلها هاليومين انشالله:)

Advertisements