@Kuwaitna_Gov لقاء المدونين مع وزراء الكويت

pic2

وجهة لي دعوة من حساب حكومة دولة الكويت في تويتر المعروف ب “كويتنا” لحضور لقاء مع الوزراء أنس الصالح ومحمد العبدالله ونايف الحجرف للحديث عن اهميه الاعلام الرسمي والغير رسمي في تنمية وتطوير الكويت…على اني كنت مشغوله وبسافر اليوم الي بعده بس ضغطت على نفسي ورحت لانه كان في بالي كلام وايد بقوله لهم بس للاسف تمنيت اني مارحت وضيعت وقتي

IMG_4034

بالبدايه دخلت ومالقيت مكان اقعد فيه وضليت انا ومجموعه من زميلاتي المدونات فتره واقفين بدون محد يعبرنا ويقولنا تفضلوا او يدبر لنا مكان نقعد فيه لما كلمنا موظفين “كوفي بين” وضبطوا لنا طاوله وكراسي

ثاني شي حلو انها تكون قعده اخويه وملمومه بكافيه بس مو لي درجه الوزراء معطينا ظهورهم , انا عن نفسي ما شفت حتى ويوهم القعده كلش ما كانت مرتبه, الوزراء قاعدين بالنص والناس حوالينهم كانوا المفروض يختارون مكان مناسب لعدد الحضور او عالاقل يرتبون الكراسي

ثالث شي فوق ما ان المكان مصكر وزحمه ,واحد من الوزراء المدمنين على التدخين ما قدر ينطر لما يخلص اللقاء معانا عشان يدخن ! حسيت اني قاعده بدوانيه مو لقاء مع وزراء

رابع شي بصراحه لي الحين ما فهمت الهدف من اللقاء بالبدايه توقعت ان الحديث راح يكون عن عن دور الاعلام ووسائل التواصل الاجتماعي ودورنا كمدونين في تمنيه وتطوير الكويت مثل ما كان مذكور بالدعوه ,بس للاسف الي صار من قبل بعض الاعلاميين استغلوا فرصة وجود الوزراء عشان يتكلمون عن الوضع السياسي بدل ما يتكلمون عن التنميه او يعطون اقتراحات تفيد الديره

خامس شي انصدمت من جرأة بعض المصورين والصحفيين الموجودين ارتزوا جدامنا ويصورنا بدون اي اذن مسبق كل شوي نأشر لهم لا تصورون ويردون يصورون مع العلم ان بلغونا اللقاء بعيد عن الصحافه ووسائل الاعلام الرسميه ومافي تصوير

سادس شي على ان اللقاء كان خاص للمدونين بس ما حذينا حقنا ,بالذات الحضور النسائي كان وجودنا وعدمنا واحد المايك كان بيد الاعلاميين وما عطونا فرصه نتكلم وفضلت اني انسحب من المكان بعد ما شفت الوضع جذي

فكرة لقاء الوزراء مع المدونين في مكان عام وبدون رسميات كانت حلوه  وايجابيه واشكرهم عليها بس للاسف فشلوا بالتنظيم وإدارة الحوار

اتمنى يتكرر هالنوع من اللقاءات بس ان يكون بالمستوى المطلوب وبعيد من الصحافه التقليديه

4 thoughts on “@Kuwaitna_Gov لقاء المدونين مع وزراء الكويت

  1. اختيارهم للمكان كل غير موفق و الموعد كان غير مناسب الساعة 4 يا دوبك نطلع من الدوام…الله يعينكم والله

  2. كنت متوقع انه ظهور الوزراء فقط شوو اعلامي يضيف الى ارصدتهم كما هو الحال منذ تعيينهم ولدي عتب كبير على وزير التجارة
    لكن سلمت اياديكم على هذا الطرح الهادف والصريح من قبلكم
    والله ولي التوفيق

    بدر الفيلكاوي
    مشروع جراقي

    • للاسف اغلب نوابنا و وزراءنا ينسون قسمهم امام الله والشعب وقت التعيين ويلتفتون لمصالحهم الشخصيه وينسون كل مطالب الشعب
      العتب على كل الوزراء للاسف مو بس وزير التجارة

      واعتذر عن التأخير بالرد

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s