Updates:Cambridge Diet Challenge كامبردج


اخيرا خلصت 3 اسابيع معاهم وتبون الصج غشيت جم مره ” حبتين ماكنتوش على خمطت بطاط ليز,على جم قفشه تراميسيو على قفشتين معكرونه وقرمه شاورما ” شسوي رجيمهم صعب ما توقعته جذي :P

بس اذا خربطت ما اكل وجبه من وجباتهم يصير بداله

طعم الاكل عادي بس المشكله مافي شي ما اشتهيت اكله حتى كنتاكي اشتهيته

توقعت 3 لتر ماي سهاله واقولها اي انا اشرب ماي واايد طلعت الي اشربه اقل من لتر :)

طبعا الناس اذواق في نكهات اختي حبتهم انا ما حبيتهم وفي نكهات انا حبيتهم اختي ما حبتهم ,جربت كل النكهات تقريبا وهذا رأيي فيهم

Soups:

oriental chili soup “لذيذه”

Leek and Potato “لذيذه”

Chicken and Mushroom “زوينه”

Spicy Tomato ” حدها دقه”

Vegetable “حلوه”

Mushroom ” الله يزيد النعمه”

Shakes:

Banana “الريحه احلى من الطعم”

Butterscotch” استغفر الله”

Chocolate ” حلو”

Chocolate Mint ” احلى شي احبه”

Fruits of the Forest ” لذيذ طعمه على فراوله اكثر”

Strawberry “حلو”

Toffee and Walnut ” وااايد حالي”

Vanilla ” طعم البروتينات اقوى من الفانيلا “

Chocolate Orange ” زوين “

Cappuccino ” وايد حالي اضيف عليه قفشه نسكافيه”

Chocolate Bars:

Toffee” لذيذ يذكرني بماكنتوش الي لونه بني”

Chocolate ” حبيته”

Cranberry “حلو طعمه بس ما اعتبره ككاو قريب على الغرانولا اكثر”

Chocolate Mint “حلو”

Peanut” حلو”

Ready-made shakes:

Banana Bliss ” وااايد ثقيل وطعم البروتينات قوي”

Chocolate Velvet “طعمه قريب من حليب كيدي دي بس ثقيل ما عجبني وايد”

Porridge:

Original ” ماصخ طعمه هريس بدون شكر ودارسين “

Apple & Cinnamon ” حلو بس حقي اعتبره حالي فأزيد دارسين”

Maple & Pecan ” حلو بس حالي شوي”

الوجبه الطبيعيه لازم تكون 200 سعره حراريه والافضل تكون غدا, الاخصائيه عطتني ورقه فيها الاشياء الي اقدر اكلها وكل صنف مكتوب يمه الوزن مع السعرات الحراريه

الي عجبنــي

 نفسية الموظفات تهبل كلهم عسل ومن اول يوم  الاخصائيه عطتني رقمها عشان اذا بغيت أسألها عن شي اكلمها واتساب-

مو زحمه ادش على موعدي بدون تأخير-

صح كميه الاكل شويه بس يشبع وما حسيت باليوع-

تعودت اشرب ماي وايد-

بسرعه ينزل الوزن وهذا احلى شي-

اكلهم كله مدعم بالبروتينات والمعادن والفيتامينات يعني ما احتاج اخذ حبوب زياده نفس باجي انواع الرجيم-

  active in social networks-

ما حسيت بتعب كلش الحمدالله وهالشي يفرق من جسم لي جسم-

الي ما عجبنــي

الشوفان ما عندهم نكهات وايد والي صار قعدت اسبوعين بس على نكهه التفاح مع الدارسين مليت منها لانه ما احب الساده والتوفي خالص لي الحين ما يابوا منهم-

 الاكل بشكل عام اغلبه يعتبر حالي الشي الوحيده الي مافيه حلاة الشوربه وانا مو وايد مع الحلو احب الموالح اكثر-

صح ان الاخصائيه تسال اذا في امراض صحيه بس ما يطلبون فحص دم انا افضل انهم يطلبون فحص دم لانه في ناس ما تدري شنو فيها من امراض-

النكهات عندهم محدوده مقارنة بباقي الدول اتمنى يزيدون النكهات-

النتيجــة

 اول اسبوعين نزلت 5 كيلوات بدون رياضيه الا مره وحده لانه انشغلت وما مداني وخربطت بالاكل جم مره لو ملتزمه جان نزلت اكثر-

   الاسبوع الثالث دخلت لي الاخصائيه اكل طبيعي 3 مرات بالاسبوع اقدر اكل وجبه طبيعيه وحده باليوم والريوق والعشا يكون من اكلهم للاسف ما قدرت ألتزم الاسبوع الثالث لانه بلشت الجامعه وكل شي تلخبط بس   اشوه وزني ثبت و ما زاد,بريح اسبوع لانه مع الدوامات والحوسه صعبه التزم بالرجيم بس الاسبوع الياي انشالله بكمل معاهم الاسبوع الرابع

تحديـــث

ما كملت الاسبوع الرابع معاهم لان مليت من اكلهم اشتركت نادي رياضه وعدلت طريقتي بالاكل

و ثاني شي لازم تعرفونه ,زادوا اسعارهم صار دينارين حق كل وجبه وبصراحه ما يسوى هالسعر على بودر

وثالث شي غيروا طريقتهم بالاشتراك ما يصير تشتركون اسبوعين نفس قبل, صار اقل شي شهر ! يعني عجبكم الاكل ما عجبكم لازم تشترون كميه اكل لمده شهر كامل يعني يطلع عليكم اشتراك شهر كامل 180 دينار وفوقهم 25 دينار فتح ملف هذا اذا ما زادوا اسعارهم بعد وهالسعر كلش ما يسوى على اكل بودر لو اكل طبيعي تترقع السالفه بس بودر كلش مايسوا

اذا عندكم اراده قويه وتقدرون تلتزمون شهر كامل على اكل بودر لو شنو كان طعمه اشتركوا معاهم, اذا ما عندكم اراده قويه ما راح تقدرون تكملون اسبوع معاهم وكل الي شريتوه راح ينقط لانه ما راح يردون لكم سعر الوجبات حتى لو الاكل مو مبطل

اهما ما يطلبون منكم تحاليل دم بس نصيحه اذا ما تشربون ماي وايد ضروري كل اسبوع تسوون تحاليل دم لانه خطر على الكبد والكلى اذا ما شربتوا ماي وايد

About these ads

16 thoughts on “Updates:Cambridge Diet Challenge كامبردج

  1. موفقه يارب لاتوقفين كملي :) … بس عندي استفسار عن اسعارهم اذا ممكن تزودينا فيها :) شكرا

    • حبيبتي مشكوره :**

      25 دينار فتح الملف
      وكل وجبه سعرها 1.600
      يعني يعتمد على عدد الوجبات الي تاخذينها

    • وقفت تقريبا 3 اسابيع وتوني راده معاهم والحمدالله قاعده انزل ومابقالي شي :)

  2. سلام عليكم بغيت اعرف وين عنوان كامبرج و شلةن الرياضة معاج انشالله نزلتي:*

    • السالمية العمارة الي فيها بفلوز الدور الثامن بالضبط ورا مجمع اولمبيا

  3. العنوان السالمية عمارة مقهى بفلو الدور الثامن وللعلم زادوا سعر الوجبة ٢ دك

    • اي اخر مره رحت لهم غيروا نظامهم وبصراحه ما يسوى دينارين على الوجبه الوحده واهيا بودر مو اكل طبيعي :\

  4. تسلم ايدج حياتي، افديتنا وانشاءالله في ميزان حسناتج يا رب، كفيتي ووفيتي 😘😘😘😘😘😘😘😘

  5. مشكوره .. انا الحين اشتركت … و مثلك اول ثلاث ايام كنت ملتزمه و نقص وزني و بعدين بديت اخربط و انا الحين بالاسبوع الثاني… يعني مو معقوله كذ بس الواحد ياكل بودره … لان حتى السلطه وقت الجوع مو مسموحه بس خياره وحده او 3 حبات تمر و لا نشرب حليب ولا شي… حتى صرت مفاصلي تعورني من قل الاكل,,,,, و اول ما اكلت خبز رجع كل الوزن … اخاف لما اترك الرجم حتى لو كنت ملتزمه يرجع كل اللي نقصته….. ان شاء الله ابشركم اني \وصلت لوزني
    راح التزم انشاء الله

  6. والله والله والله ، نصيحه اللي واقف معه الوزن ولاهو قادر ينزله ، يروح كامبردج .. بامانه انا جلست تقريب الشهر على تمارين النادي ، للاسف كل مازاد التمرين زادت حاجه الجسم ، واذا ما اكلت صرت مرهق ولا اقدر اتمرن ، الين ضربت نفسيتي صراحه ، ولا لقيت حل الين رحت لهم ، والى الان نزلت تقريبا. ١٢ك في شهر ونص هذا وانا مو منتظم في الوجبات ولا في التمارين ، مع رمضان والعيد جبت العيد انا هههههههه ، انما الموضوع مع كامبردج يبغاله صبر بس ، والله الفايده اكبر من المبلغ حتى لو كان كثير

    • صح اهوا الي وزنه ثابت وموراضي ينزل ينفعه رجيم كامبردج بس مشكلته مو صحي :\

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s