xcite لا تبوق لا تخاف

للتوضيح انا ما كتبت هالبوست الا لانه هالشي تكرر معاي اكثر من مره

المهم الاسبوع الي طاف مريتهم اشوف التلفزيونات , الموظف ما قصر يمكن بحدود الساعه وزود واهوا بس يعيد ويزيد بمواصفات الاجهزة واخر شي عجبنا السامسونج اليديد وقال ان مسوين تنزيلات ومع التلفزيون ستاند للطوفه مجاني

وقررنا ناخذه, الموظف استأذن وقال شوي ويرد, وعلى ما يرد قلت ارد اقرا مواصفات التلفزيون

طبعا كعادتهم صفاة الغانم يغطون السعر القديم بالسعر اليديد والورقه كانت شفافه شوي حسيت في شي غلط بالارقام

سحبت الورقه عشان اشوف السعر القديم تحته ولا انصدم

طبعا الي بالازرق السعر القديم

والاحمر السعر اليديد بعد الخصم و الهديه المجانيه الي معاه

زايدين على السعر الاصلي 37.500 د.ك

قلت يمكن غلطه مطبعيه ورحت جيكت علي باجي التلفزيونات ثلاث منهم نفس الحاله

كلهم السعر قبل الخصم اقل من بعد الخصم

رجع الموظف وكلمته قتله شلون تقولي الستاند مجاني ومسوين خصم والسعر زايدينه يعني مافي شي مجاني انتوا زايدين عليه سعر الستاند وللعلم سعر الستاند بروحه ب10 دنانير يعني الزياده الي فوق ال10 حق شنو ؟

توهق وسحب الورقه من ايدي وبلش يطلع اعذار ان هذا السعر القديم وما مدانا نشيل الاوراق

تشيل الاوراق؟ وليش تشيل الاوراق وتغير السعر الاصلي  ؟

…قالي يا مدام هذي الاسعار من الاداره احنا بس ننفذ الاوامر

عرفتوا الحين ليش صفاة الغانم طول السنه يسوي تنزيلات ؟

16 thoughts on “xcite لا تبوق لا تخاف

  1. للأسف فعلا قمه في الاستغلال وقله الادب
    مشكوره على البوست ولكن المفروض انج اتكلمين حمايه المستهلك وتراوينهم الصور
    مشكوره مره ثانيه

  2. وايد يسوونها و التحايل عندهم خيالي! مرة رحت بشتري شاشة ثندربولت لكمبيوتري الماك و تفاجأت انه سعرها ٤٩٨ دينار! علما بأنها في سايت آبل ما تتعدى ٢٨٠ دينار، و اذا بشحنها للكويت هذي ٥٠ زيادة هم ما توصل السعر اللي حاطينه! الصدمة اني لقيتها عند بلينك بـ ٣١٩ و شريتها منهم… فنون التلاعب بالسعار عندهم مو طبيعية

    و هذا موضوع كامل كتبته عنهم من فترة
    http://www.blog37.com/blog/2012/04/dear-x-cite-seriously/

    قواج الله و يعطيج العافية

    • اوووله زايدين على السعر الاصلي 218 دينار ليش ؟والله حراام عليهم الزياده فيها سعر جهاز ثاني

  3. عشان جذي انا من زمان ما قمت أشتري من الغانم. حتى لو كان سعرهم حلو.
    لاحظوهم لما يحطون Deal of the Day عالموقع،
    تلقون الشي سعره 80 مثلاً، يوم الخصم يكتبون ان كان سعره 110 و صار 95.
    طبعاً هذي مو شطارة، هذا يسمونه غش و نصب واحتيال، لكن الواسطات وايد.🙂

  4. الغانم نصابين من زمان والاسعار فوق الخيال ، شوف السعر بامازون ومع الشحن تلقى الفرق كبير

    • ما راح استفيد من القضايا المهم ان الناس يصير عندهم وعي ويجيكون على الاسعار قبل ما يشترون اي شي

  5. اكبر شركة نصابين الغانم ويماطلون بالسالفه ليمه يزهقونك انا صارلي اكثر من موقف المشكله يمشونها على الناس المساكين والله انا واحد حرمت اشتري منهم شي

  6. بس ترا احتمال تصدف .. لان انا شاري طابعه السعر المعلن كان ٣١ دينار
    لمن رحت ودفعت قالي حسابك ٢٠ سألته عن السبب قال في تنزيلات

    الغش وارد لكن ما اتوقع بشكل مستمر عزيزتي

  7. عادي حبيبتي هالشركه معروفه بالنصب والاحتيال والدليل أنا من شهر 4 اللي فات حاجزه 4. غرف نوم من عندهم. ودافعه سعرهم يوم يت حزت الحزة. علشان يؤون البيت يركبونهم ولا غرفه كامله بدون سرير قلتله وين السرير يقولي بعد أسبوع يوصل من المخازن هههه وآنا مصدقه مر الأسبوع ولا يقولي ببعناه. نعم عفوا🙂 عاد رحت الأسبوع اللي طاف مره ثانيه واخترت غرفه بسعر دبل علشان اخسرهم أمس دقيت قلتله ها متى ولا يقول والله السرير خربان وفيه دمج مادري عاد شقصده وقالي تعالي اختاري غيرها #قلتله إحنا نلعب طاح حظك وحظ هالشركه حراميه وما تقدرون زباينكم🙂 مالت عليهم ! وقلتله سمعتك بطيحها بالأرض واشوه يتي إنتي مع سالفتج :** ريحتيني يعني مو بس أنا اللي عادتهم جذي.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s