أخيرااا لقيت محل يبيع سوالف اكل اسيوي صارلي فتره اتحلطم ليش ما عندنا محلات تبيع هالسوالف لانه مركز سلطان ولولو ما ايبون وايد اشياء 
الله يعافي بسومه دلتني عالمكان :*
مكانه مو شي بالضجيج بس عجييييب يسوى العنوه
منو تبي امعاء سمج ؟ 😛
كستنه مقشره ومطبوخه جاهزه للأكل لذييييذه
الاغراض الي شريتهم بسوي ماكي رول
شايفه بيض السمج نفس النوع بمركز سلطان ولولو على 57 دينار والعلبه حيل صغيره , هذي علبه شكبرها ب7 دنانير وجربته طعمه حيل لذيذ احلى من البرتقالي مافيه زفره
كيك العيش الكوري,الي يحبون سوالف الجيلاتين راح يعجبهم حلو طعمه
وعندهم عرموط كوري شكبره لذييييييذ متروس ماي موجود بالصوره الي فيها كل الاغراض, باجي الاشياء انشالله اول ما اجربهم راح اكتب عنهم
–
الدور الثاني فيه مطعم تابع لهم
المكان حيل بسيط ومجكنم يونس
طبعا الموظفين ما يعرفون لا انجليزي ولا عربي قمت اكلمهم بالاشاره 😛
,اشوه صاحب المطعم كوري موجود وطلع يعرف انجليزي واختار لنا على ذوقه
مقبلات منهم ,ربيان واجار ملفوف
قعدات ارضيه تشوق 😀
سلطه قبقب-عاديه احس ناقصها صلصه
ماكي رووول لذيييييذ *HEAVEN*
دياي نفس طقة دياي ترياكي بس عجبني اكثر من الترياكي وايد حلو
ما جربت وايد اشياء خفت مو حلو بس بما انه عجبني لي روحه ثانيه وثالثه لهم انشالله 😀
وطلع عندهم توصيل منازل اذا تبون بس حلاته الاكل ينوكل هناك بنفس الوقت
Website:www.singarea.biz
3ateeja's Blog 
خوش تقرير تسلم ايدج
اول مرة اسمع عن مطعم ياباني بالضجيج و حده حلوة فكرة السوق الياباني بس تعالي منو اللي بيطبخ هالسوالف احس معقد لوول
ممكن وصف حق المكان ماعليج امر ؟
الله يسلمج
يم سيرز والتمويل بنفس البلوك الي فيه مطعم فريج عقاب
وناسه اول مره امسع فيه
شكله عجيب
بس وصفي لنا المكان اكثر اي صوب بالصبط
سطرة سيرز ؟ و لا داخل عند مركز سلطان و ميدان ؟
ثانكس عرفت المكان لوووول
هذي الخريطه
طلع يم سيرز على الدائري السادس
في مركز سلطان بالضجيج ؟ لول توني ادري
Interesting place….where in dhajeej is it 3atoja?!
next to sears & KFH complex
اي صوووب بالضجيج عفيه :_(
وبغيت أسأل عندهم شغلات كوريه والا بس يابانيه؟؟؟
صوب مطعم عقاب والبلوك الي يم سيرز
وعندهم كل شي 🙂
Pingback: Sushi Maki rolls recipe ! « 3ateeja's Blog
hi, i hope you can help me. Do you know how to commute or which bus to ride if i want to go to singarea>? and where do we get off.. are there any landmarks..thanks…
sorry i have no idea about the buses, but it’s in aldhajeej area, almira complex, shop #4-5. Next to sears and a restaurant called fereej a’agab. it’s on the 6th ring road.
here’s their number you can contact them for more info’s: 24312817
thankyou.. just one last question, do you know their store hours
if i’m not mistaken, it’s from 10 am to 9 pm but you better check with them before u go 🙂
24314939 that’s the correct number ignore the above number
http://www.facebook.com/pages/Singarea-Korean-Restaurant/177236539030300
check the map
This is a very good tip particularly to those fresh to the
blogosphere. Brief but very precise info Thanks for
sharing this one. A must read post!
حبيبتي هذا مطعم وجمعية كورية مو ياباني korea