Wish list: Scuba diving experience

DSC08694_edited-1بعطله عيد الاضحى كنا مخططين نسافر بس الله ما كتب لنا وبدال ما اضيع اجازه 9 ايام بمطاعم ونوم وسوق اشتركت مع

Bubbles Diving Center

دورة تدريب غوص لمدة اسبوع

شهادتهم معترف فيها عالميا ومعتمده من منظمه

 NAUI

وعشان ناخذ الشهاده والليسن لازم نكمل 4 غوصات

اول يومين من الدورة محاضرات بمركز الصبيح  مع المدرب عبدالرحمن العنيزي عن المعدات والاحتياطات والمخاطر الي ممكن تصير وشلون نتجنبها

ثالث يوم تدريب بالمسبح مع المدربه العسل دلال العمر

DSC09024_edited-1

رابع يوم غوصتين بجزيره قاروه

طبعا ما تقارن غوصة المسبح بغوصة البحر الوضع كان يخرع  اكثر من المسبح واكيد ضغط الماي اقوى بس استمتعنا   :D

DSC08700_edited-1 Continue reading

@dietcenterkw week one

D1A

اشتركت مع دايت سنتر لمده 4 اسابيع  وانشالله راح احط بوستات إسبوعيه ما راح اترس البلوق 28 بوست كل يوم شنو كليت !! صح البوست راح يصير طويل بس جذي أحسن وأرتب
المهم دقيت عليهم وخذيت موعد وطلبوا فحص دم وعلى اساسه يحددون نوع البرنامج الغذائي والحمدالله كل شي عندي طبيعي فأشتركت ببرنامج

Best Life Diet

عبارة عن

الريوق: الوجبه الرئيسيه و تختارون معاها, لبن – عصير- حليب

سناك 1: تختارون ,سلطه فواكه -فاكهه – روب – روب مع فواكهه

الغداء: الوجبه الرئيسيه مع سلطه

سناك2: تختارون نوع من حلو

العشاء: الوجبه الرئيسيه مع شوربه

-

بما اني مشتركه نادي وقاعده ألعب رياضيه يوميا اللأخصائيه حددت لي 1200 سعره حراريه باليوم

 سناك 1 اخترت يكون دايما سلطه فاكهه بدال الفاكهه العاديه لانه مرات يحطون لي نوع فاكهه ما أحبه أو صعب أخذه معاي لما أطلع مثل البرتقال او الأفندي فما راح اكرر صور سناك 1 بالبوستات اليايه

-

 اليوم الاول

ريوق:مافن بلوبيري مع حليب قليل الدسم ,حبيت المافن خفيفه بس نتفه متعوده على مافن كاريبو شكبره :P

D1B

Continue reading

Sulaiyel Al-Jahar Chalet part 1| شاليهات سليل الجهراء

كل عيد يمر علينا اول يوم نقضيه زوارات عند الاهل ,ثاني يوم مطاعم ثالث يوم سنيما او سوق وننحكر بالزحمه وهاذي حالتنا

هالمره قلنا خل ننحاش من زحمه العيد ونروح شاليهات سليل الجهراء نغير جو
وصلنا طريق الجهرا وطق مطر قوي مشالله بس بو دقيقه ما مداني طلعت تلفوني بصور جان يوقف المطر بس هم نعمه العوض ولا القطيعه :P

هاذي الخريطه

وصلنا الجهرا بالسلامه ,المكان مقسم اربع اقسام :فندق, مجمع مجكنم “صغير”, شاليهات ,قرية 99 “نفس العاب الشعب” وكلهم مبطلين على بعض تقدرون تروحون لهم مشي بس لانه عيد كانوا مسكرين المرات بينهم مايبون يصير لويه

اول شي دخلنا رسيبشن الفندق اكدنا حجز الشاليهات وخذينا مفاتيحنا وتوكلنا

Continue reading

xcite لا تبوق لا تخاف

للتوضيح انا ما كتبت هالبوست الا لانه هالشي تكرر معاي اكثر من مره

المهم الاسبوع الي طاف مريتهم اشوف التلفزيونات , الموظف ما قصر يمكن بحدود الساعه وزود واهوا بس يعيد ويزيد بمواصفات الاجهزة واخر شي عجبنا السامسونج اليديد وقال ان مسوين تنزيلات ومع التلفزيون ستاند للطوفه مجاني

وقررنا ناخذه, الموظف استأذن وقال شوي ويرد, وعلى ما يرد قلت ارد اقرا مواصفات التلفزيون

طبعا كعادتهم صفاة الغانم يغطون السعر القديم بالسعر اليديد والورقه كانت شفافه شوي حسيت في شي غلط بالارقام

سحبت الورقه عشان اشوف السعر القديم تحته ولا انصدم

طبعا الي بالازرق السعر القديم

والاحمر السعر اليديد بعد الخصم و الهديه المجانيه الي معاه

زايدين على السعر الاصلي 37.500 د.ك

قلت يمكن غلطه مطبعيه ورحت جيكت علي باجي التلفزيونات ثلاث منهم نفس الحاله

كلهم السعر قبل الخصم اقل من بعد الخصم

رجع الموظف وكلمته قتله شلون تقولي الستاند مجاني ومسوين خصم والسعر زايدينه يعني مافي شي مجاني انتوا زايدين عليه سعر الستاند وللعلم سعر الستاند بروحه ب10 دنانير يعني الزياده الي فوق ال10 حق شنو ؟

توهق وسحب الورقه من ايدي وبلش يطلع اعذار ان هذا السعر القديم وما مدانا نشيل الاوراق

تشيل الاوراق؟ وليش تشيل الاوراق وتغير السعر الاصلي  ؟

…قالي يا مدام هذي الاسعار من الاداره احنا بس ننفذ الاوامر

عرفتوا الحين ليش صفاة الغانم طول السنه يسوي تنزيلات ؟

Social media Day

شركه زين للاتصالات  نظموا احتفاليه  خاصه ليوم التواصل الاجتماعي بتاريخ 30\6

 والمكان كان في برج الحمرا

 وصلت الدور 55 وما طليت من الدريشه ولا صورت راح عن بالي :(

Instagram <\3

الحفل كان من تقديم المذيع والمدون المميز  عمر العثمان

الفنان يعقوب عبدالله يتكلم عن ايجابيات وسلبيات تويتر

محمد المهيني من فريق التواصل الاجتماعي يتكلم عن تنظيمهم للافينت

“ضروري تحط لك عقال سبير بالسياره” :P

-

vlogger علي مبارك

يتكلم عن المدونين وبرامج التواصل الاجتماعي ,يوتيوب بالذات

 

فاطمه العثمان صاحبه مشروع F2O

تتكلم عن اهميه برامج التواصل الاجتماعي في نشر مشروعها

“والختام كان مع قروب الستاند اب كوميدي “شنو يعني

حدهم بدعوا موتونا ضحك :P

-

الضيافه كلها كانت مقدمه من مشاريع كويتيه كدعم لهم من شركه زين للاتصالات

@RicePuddingFtry 

Gathering Tel: 67667721

@VinoxKw

 Alfouz kitchen Tel : 99520589 – 97538145

@browndiamond2

@GelatoItaliano_

@thepantrykw

@Neq9a_

@pick_yo

بين كل فقره ووفقره كان في سحوبات على جوائز للحضور وكان لي نصيب منهم :)

thank you @zainkuwait &  Alhamra Tower for the amazing event :)

Chocolate Shawarma

أمس مريت المهلب وبالصدفه شفته صوب المطاعم عبالي نفس طقه الجوكليت فوندو لما سألتها شنو هذا قالت لي شاورما ككاو :|

انا تنحت قتلها شلون يعني شاورما ككاو ؟ 

طبعا قعدت ترطن فوق راسي ومافهمت شي بس الي فهمته تقصه نفس الشاورما وتحطه بجهاز يصير نفس الكريب 

كنت توني متغديه فما جربته , منو جربه وشرايكم فيه ؟

تعلمت ؟

الروضه:

1-    تعلمت اول ما ادش الصف اقلب الكرت الي عليه اسمي عشان تعرف الابله اني مداومه

2-    تعلمت اصف قطار وامسك حزام البنت الي جدامي لي ما اوصل لي الكافتيريا

3-    تعلمت اشرب حليب كيدي كاو الي كانت علبته مربعه وبطعم الككاو الي كله شكر وألوان صناعيه وصمونه الفيصل مكتوب عليها جبن بس فاضيه  كلها عيين “عجين”

4-    تعلمت اروح عند ابله “إحسان” اخذ منها ككاو ماكنتوش

5-    تعلمت اروح حق الناظره لانها تحبني وتعطيني الحلاو الي يطقطق

6-    تعلمت اخش اغراضي عشان بو رزيقه ما يخربهم

7-    تعلمت ارسم شخابيط والابله تصفق لي

8-    تعلمت اروح المكتبه والابله تعطينا قصص وتقول يلا اقروا واحنا ما نعرف نقرا شي

9-    تعلمت قصه ليلى والذيب

10- تعلمت اروح الروضه بس عشان نلعب

11- تعلمت بطابور الصباح كل يوم يحفظوني الايام ونرقص

12- تعلمت بالصيف نلبس أبيض بأزرق وبالشتا احمر برمادي

13- تعلمت احفظ اغنيه يا اطفال يا حلوين اشربو الحليب\ خروفي ماع ماع \والنشيد الوطني نصه لانه التكمله مو مهمه

الأبتدائيه:

1-   تعلمت انا عبير وانا سالم , انا اكل واختي تشرب

2-    تعلمت بحصه البدنيه البس هدومي وأقعد ما اسوي شي لانه اذا ما يبت هدومي الابله تعاقبني وتخليني واقفه على ريل وحده طول الحصه

3-    تعلمت ادش الزهرات لانه يودون رحلات ووناسه

4-    تعلمت لازم ما اجاوب عناد على الابله اذا ما قومتني لانها راح تستدعي ولي امري” :| شسوي ابي اقرا ما تخليني اقرا”

5-    تعلمت ابله فاتن مالت الرياضيات تخرع وبيدها مسطره كله تصارخ

6-    تعلمت ABCD انكسرت ايدي رحت الطبيب….

7-    تعلمت احفظ المقدمه مالت الاذاعه المدرسيه وكل يوم اقولها

8-    تعلمت شركة معجون سيجنال يوزعون علينا حبوب ورديه صغيره تصبغ الاسنان ولي الحين مادري شنو فايدتها

9-    تعلمت بعد ما تخرجت الاولى على المدرسه مو مهم احفظ جدول الضرب لما اكبر في آله حاسبه

10- تعلمت لازم البس شريطه بيضا على شعري ولا الوكيله تزفني

11- تعلمت اكل المقصف كله محزر ويعور بطني

12- تعلمت ارسم خرايط برابعه ابتدائي

13- تعلمت ان العراق غزو الكويت بسنه 1990 واهما اعدائنا

14- تعلمت القصر الاحمر لونه مو احمر

15- تعلمت مو لازم احفظ كل حكامنا لانه الابله بس بتسأل منو الحاكم الي وضع الدستور ومنو اول حاكم ؟

16- تعلمت الابله تعطيني صفحه طويله تقولي نسخيها بالبيت وارد البيت ابجي ايدي تعورني من النسخ

17- تعلمت انه بوكيمون حرااام “لول”

18- تعلمت شلون اجلد كتبي

بالمتوسطه:

1-    تعلمت ان برنامج السلحفاة سخيف واقدر ارسم الزخارف بالمسطره

2-    تعلمت شلون افرق بين جمله اسميه وفعليه

3-    تعلمت انجليزي وعربي مكسر لانه ابلتنا مو كويتيه

4-    تعلمت لازم استعمل قلم حبر مو رصاص لاني كبرت

5-    تعلمت ادش مع الاخصائيه ونسوي انتخابات كل سنه وانا الي افوز ومانسوي شي بس اسمه فزنا

6-    تعلمت شلون اسوي دقات بأبلات الرياضيات

7-    تعلمت شلون اعزف لحن فيروز نسم علينا الهوا بنشاط الموسيقى

8-    تعلمت المقدمه الي كنت اقولها بطابور الصباح بالابتدائيه نفسها لازم اقولها الحين

9-    تعلمت اشتري اغراض رسم غاليه والابله تاخذهم

10- تعلمت ابله الرسم ترسم لوحه وتاخذني معرض وتقولي قولي لهم انتي راسمتها

11- تعلمت بعد كل رحله لازم نحن علي الابله تودينا ماكدونالز

12- تعلمت لازم ما اقص شعري بوي عشان لا ينادوني شجون البويه

13- تعلمت بحصه العربي لازم كل اسبوع اروح المكتبه العامه واطبع صفحات من الكتاب والزقهم بالدفتر والابله تحط صح بدون ما تقرا

14- تعلمت شلون اسطر دفاتري واحط ستيكرز

15- تعلمت بحصه الاحتياط لازم نسولف ونقرق والابله تصرخ تسكتنا

16- تعلمت لما موجهه او ناظره ادش الصف الابله يصير شرحها مفهوم

17- تعلمت ان خلاص طاح الحطب والعراق اخواننا واشقائنا ومو لازم يعلمونا شنو صار بوقت الغزو

بالثانويه:

1- تعلمت ان لازم ما نسوي مظاهره لانه موعاجبتنا الوزيره عشان لا اوقع على تعهد

2-تعلمت اول 10 دقايق من الحصه نكون واقفين برا الصف على ما تشرف الابله واول ما تشرف ما تشوف الا غبرتنا

3-تعلمت ثاني 10 دقايق الابله تصرخ ليش واقفين برا الصف

4-تعلمت ثالث 10 دقايق الابله مو عاجبها ترتيب الطاولات تبيهم حرف ال U

5-تعلمت رابع 10 دقايق الابله تقول وين وصلنا اخر مره ؟ وأول ما تنطق يطق الجرس

6-تعلمت لو شنو اسوي ما اراح افهم كيميا من ابلتنا والمدرس الخصوصي احسن منها

7- تعلمت كل الي ندرسه بالاسلاميه ما يطبق بالواقع

8-تعلمت الابله لازم كل مره توقفني على البنات على ما تخلص ريوقها او سالفتها مع الابله الثانيه

9- تعلمت ان حق حفله التخرج لازم نحط حطيه ونسوي لنا حفله مع انه وزارة التربيه تخصص مبلغ وقدره كل سنه لحفلات التخرج

10. تعلمت ماله داعي احفظ تواريخ لانه البنات مبرشمين كل شي عالطاوله مشالله

11. تعلمت ما احفظ شعر لانه طويل واخرتها يبون بس بيت شعر واحد !

12. تعلمت ما ادرس امتحان العربي لانه الابله بتغششنا كل شي

13. تعلمت الابله تجهز كل شي بعدين ادخلني اولمبياد الاحياء والكيميا والفيزيا والحاسوب واقدمه بإسمي

14. تعلمت انه يوتيبوب يفهم احسن من الابله

15. تعلمت كل يوم بطابور الصباح الابلات يجيكون على اظافرنا وجواتينا , بس دايما الابله تكون اظافرها اطول من اظافري وتزفني مادري ليش ؟

15. تعلمت اسوي وسيله او اطبع اي بحث من قوقل او ويكيبيديا والابله تعطيني 5 درجات

16. تعلمت بأخر سنه في بنات ياخذون امتحانات مسربه من مدارس الشباب يعني ماله داعي ادرس

17. تعلمت كل ما ادش مرحله دراسيه الابله لازم تقولنا انتوا اسوء جيل مر علي

18. تعلمت لما اسأل الابله سؤال ذكي تتوهق وتقول انتي دوري على الاجابه وبلغيني

19. تعلمت اذا في اجازه ما اداوم قبلها بيوم وما اداوم بعدها بيوم

20. تعلمت كل ما تكون في اجازه قريبه الابله تعصب ليش مداومين غيبوا ما نبيكم !!

بالجامعه:

1-    تعلمت كل الي درسته بالثانويه نفسه رديت ادرسه بس بالانجليزي

2-    تعلمت مو مهم اصير من مرتبه الشرف لانه لما اتخرج حالي حال الي ما تدرس اثنينا نفس الوظيفه ونفس المعاش

3-    تعلمت اروح نهايه الكورس اساحل الدكتور يزيدنا درجات

4-    تعلمت ما اخذ مواد عند دكاترة حريم

5-    تعلمت لازم اطلع من البيت مبجر عشان احصل مسفط

6-    تعلمت ما في شي اسمه قانون منع الاختلاط

7-    تعلمت كل ما اخلص مرحله دراسيه لازم يقولون وااي راح تولهين عليها ولي الحين ما ولهت على ولا مرحله

8-    تعلمت كل يوم غداي من سب واي لانه اكل الجامعه يسمم

9-    تعلمت مافي شي اسمه ممنوع التدخين بالجامعه

10- تعلمت لازم كل كورس حالتي حاله احاتي شنو اخذ مواد الكورس الي بعده

11- تعلمت ال100 دينار الزياده على الاعانه مالها داعي

12- تعلمت لما الطالبه تتأخر عذرها زحمه \ مافي مسفط\ حادث \ حاله وفاة

13- تعلمت الشباب ما يداومون بس اخر السنه الدكتوره تعطيهم A

14- تعلمت بكل ماده لازم نغير موعد الامتحان لانه يصادف عيد !!

15- تعلمت اول 15 دقيقه اذا ما داوم الدكتور اروح البيت اكمل نومتي

16- تعلمت مو لازم انتبه لانه الدكتور بينسى المنهج ويتكلم عن السياسيه

17- تعلمت من اول يوم لما الدكتور يقول لحقوني بتويتر لازم الحقه عشان البونس

18- تعلمت مكتبه الجامعه ازعاج اكثر من بيتنا

19- تعلمت شلون اصحح المعلومه الداثره للدكتور

20- تعلمت شنو يعني قوائم انتخابيه واحزاب وهوشات وتلزق اول اسبوع دوام

21- تعلمت ما اعطي رقمي حق أي وحده من القوائم عشان لا تأذيني

22- تعلمت لما الدكتور يقول كتبوا على فهمكم يعني يبي بالضبط مثل ما اهوا مكتوب بالكتاب

23- تعلمت حتى لو تسكرت الشعبه عادي الله يعافي الباي فورس يعني “بالكويتي غصب عن خشومكم بتسجلوني بالمقرر”

 تقريبا هذا كل الي تعلمته ب17 سنه انتوا شنو تعلمتو بفترة الدراسه ؟ :D

Singarea Supermarket \ Restaurant

أخيرااا لقيت محل يبيع سوالف اكل اسيوي صارلي فتره اتحلطم ليش ما عندنا محلات تبيع هالسوالف لانه مركز سلطان ولولو ما ايبون وايد اشياء :\

الله يعافي بسومه دلتني عالمكان :*

مكانه مو شي بالضجيج بس عجييييب يسوى العنوه

منو تبي امعاء سمج ؟ :P

كستنه مقشره ومطبوخه جاهزه للأكل لذييييذه

الاغراض الي شريتهم بسوي ماكي رول
شايفه بيض السمج نفس النوع بمركز سلطان ولولو على 57 دينار والعلبه حيل صغيره , هذي علبه شكبرها ب7 دنانير وجربته طعمه حيل لذيذ احلى من البرتقالي مافيه زفره

كيك العيش الكوري,الي يحبون سوالف الجيلاتين راح يعجبهم حلو طعمه

 وعندهم عرموط كوري شكبره لذييييييذ متروس ماي موجود بالصوره الي فيها كل الاغراض, باجي الاشياء انشالله اول ما اجربهم راح اكتب عنهم

-

الدور الثاني فيه مطعم تابع لهم

المكان حيل بسيط ومجكنم يونس

طبعا الموظفين ما يعرفون لا انجليزي ولا عربي قمت اكلمهم بالاشاره :P

,اشوه صاحب المطعم كوري موجود وطلع يعرف انجليزي واختار لنا على ذوقه

مقبلات منهم ,ربيان واجار ملفوف

قعدات ارضيه تشوق :D

سلطه قبقب-عاديه احس ناقصها صلصه

ماكي رووول لذيييييذ *HEAVEN*

دياي نفس طقة دياي ترياكي بس عجبني اكثر من الترياكي وايد حلو

ما جربت وايد اشياء خفت مو حلو بس بما انه عجبني لي روحه ثانيه وثالثه لهم انشالله :D

وطلع عندهم توصيل منازل اذا تبون بس حلاته الاكل ينوكل هناك بنفس الوقت

Website:www.singarea.biz