Cambridge Diet Challenge كامبردج

 رجيم كامبردج بلش ببريطانيا من سنه 1984 وبما انه توه يوصل الكويت قلت اجربه شورانا من رجيم لي رجيم لعل وعسى اصير عصله :P

قبل ما اروح لهم قريت عنهم بالنت و ما لقيت احد كاتب عنهم شي بالكويت بس معروف بالسعوديه وقطر والامارات

اختي بلشت معاهم قبلي ومشالله شفت نتايج حلوه عليها فتشجعت وسجلت معاهم حق اسبوعين وبعد ما اخلص الاسبوعين اذا شفت نتيجه راح اكمل معاهم لانه طبيعي من جسم لي جسم يفرق

اقل شي عندهم اشتراك مده اسبوعين  قالت لي اخصائيه التغذيه الاخت “عرين” ان بأول اسبوعين راح انزل مابين 4 لي 5 كيلوات واذا قطعت او خربطت بهالمرحله راح ارد ازيدهم لانه كل الي  راح انزله بأول اسبوع ماي وسوائل الجسم والاسبوع الثاني من كيلوين لي ثلاثه الي اهما الدهون

رجيمهم عباره عن 3 وجبات باليوم اشتريها منهم والوجبه عباره عن شوربه او شوفان او ميلك شيك او حليب او ككاو طبعا الاكل كله بودر ويتذوب بالماي وعندهم اكثر من نكهه تختارون منها الي يعجبكم

عندهم طريقتين يا انكم تبلشون اول اسبوعين بس بالاكل مالهم وما تاكلون ولا شي غيره

او انكم ادخلون بين الاكل الطبيعي واكلهم وبعد اسبوعين تستمرون بس على اكلهم

 انا اخترت اني ابلش بس بأكلهم وبعد الاسبوعين اخصائيه التغذيه ادخل لي اكل طبيعي بين الوجبات

الرياضيه ممنوعه اول 3 ايام لان الرجيم بس 400 كالوري باليوم وعلى ما جسمي يتعود مو تدرون تونا خالصين رمضان وجسمي متعود عالمجابيس والتشريبه :P

 ولازم اشرب 3 لتر ماي يوميا ومسموح القهوه والشاي بين الوجبات بس بدون شكر

الي فيهم حالات مرضيه المذكوره بالصوره تحت ما ينفع معاهم رجيم كامبردج 

cambridgeweightplan هذا موقعهم الرسمي تقدرون تشوفون صور قبل وبعد

 cambridgeweightplan او تحسبون كتلة الجسم

هاذي اغلب المعلومات عن رجيم كامبردج بشكل عام

انشالله بعد اسبوع راح احط النتايج وشنو الي عجبني وما عجبني من اكلهم او خدمتهم

اي صج تذكرت اذا بتشتركون معاهم  كلموا الاخت “عرين” وقولوا لها انكم من طرف مدونة عتيجه , ورقمهم والعنوان موجود بالصوره :P

Wish Me Luck ! :D

About these ads

15 thoughts on “Cambridge Diet Challenge كامبردج

  1. شي غريب الصراحه انزين اختج حست بتعب مع هالرجيم و شكثر صارلها مستمره عليه ؟

  2. هلا اختي شصار معاج شلون النتايج ودي ابلش معاهم بس متخوفه ودي احد مجربه يقولي شلون الوضع !!! وشكرا

    • 25 دينار فتح الملف
      وكل وجبه سعرها 1.600
      يعني يعتمد على عدد الوجبات الي تاخذينها

  3. اختي بس الله يخليكي غيت اعرف الاخصائية اسمها عرين شنو؟؟

    • الصراحة المكان من دون الاخصائية عرين الرفاعي ما يسوا شي والباقي ما يفهمون شي

  4. اختي الله يخليكي بغيت اعرف الاخصائية اسمها عرين شنو عشان اذا حبيت اراجع عندها؟؟

  5. انا اشتركت في الرجيم و اول اسبوع نزل ورني … لكن بس يوم واحد خربت اكلت ساندوتش دايت و رجع كل شي….. راح ارجع التزم بالدايت و اشوف وش يصير … اخاف لما اترك الدايت يرجع كل الوزن اللي نقصته

    • اختي انا راجعت المركز وسالت عن الاخصائية عرين قالولي مو موجودة تعرفين وين هي الحين او معاك رقم تلفونها ابي اسوي وياها ريجيم ضروري

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s