الاسبوع الاخير مع دايت سنتر سافرت العمره ووقفت اكثر من مره وصار لخبطه بالوجبات وما نزلت حتى ربع كيلو
وبصراحه انا ما جربت غيرهم فما اقدر اقارنهم مع الشركات الثانيه من ناحيه الطعم والخدمه بس من ناحيه السعر الي لاحظته يعتبرون الاغلى
خلصت الاشتراك شهر 2 و نزلت بحدود 4 كيلوات والحمدالله وزني ثابت لي الحين اذا كلش كلش ازيد نص كيلو وارد انزله بس مو معناته اني ماخذه راحتي بالاكل بالعكس عدلت من اكلي 
الي عجبني:
-كل الاكل البحري الي ذقته لذييييذ والاهم ما فيه زفره
-اي طبق مع طحينه لذيذ ضروري تجربونه
انا شاكه ان المخرج فيه عرج هندي مع ان ويها كلش ما يوحي 
اللقطات مو صج حدها طماشه يعني فجأه فان ديزل يقلب سوبر مان بعدين يتحول هلك ومره يقلب رامبو وشوي يصير ذا تورج الي بفنتاستك فور يعني طبوا وتخيروا كل انواع السوبر هيروز بتشوفون فان ديزل يمثلها
الفلم كان وااايد واااايد واااايد واااااااااااااااااااااااااااااااااايد مقطع ! حتى الكلام مقطع ! انا مو ضد التقطيع بالعكس في فقرات ضروري تنقطع بس بما انه سنيسكيب حطوا قرار الاعمار المفروض ان التقطيع يكون بشكل معقول! راح تنصدمون من التقطيع لي درجه بتضيعون ما تستوعبون شصار
عالعموم الفلم حلو ويضحك بس كوميدي اكثر من أكشن الاجزاء الي قبل كانت واقعيه اكثر وفي جزء سابع بعد
اعطيه 7\10
من قبل فتره تكلمت عن هالشي بالأنستغرام بس لي الحين توصلني ايميلات دعايات فحبيت اثبت الموضوع هني…
اول ما بطلت المدونه وانا هدفي الاساسي اني استانس واضيع وقتي بشي احبه او اكتب رايي الشخصي بمنتجات جربتها و اتحلطم او اشاركم بجزء من حياتي
الي قاعد يصير حاليا اغلب المدونات صارت تجاريه حتى الي توهم بطلوا مدوناتهم “البعض” هدفهم تجاري بحت وبس ينزلون بهالاعلانات والدعايات حالهم حال جريده الوسيط وهالشي راجع لهم , والي عندهم مشاريع يبون يعلنون عنها سيدا يروحون للمدونات لانهم خذوا فكره ان كل المدونات = دعايات
عن نفسي اسمحولي ما راح احول مدونتي لي جريده الوسيط بدون ما اكتب رايي الشخصي بالمنتج او المعرض بدون ما اروح له!
وعشان ما تحرجوني ولا احرجكم حطيت مساحه اعلانيه “بدون مقابل” للمشاريع الكويتيه الصغيره فقط كنوع من الدعم وعشان ما اردكم كل مره 
الشروط
- صاحب المشروع كويتي الجنسيه
- مشروع صغير ” يعني لي الحين ما عندكم محل”
- الاعلان يشمل المدونات او المواقع اليديده ويشمل المعارض المنزليه
مواصفات الاعلان
- مقاس 200x 300
- الاعلان يحتوي على الموقع او رقم التواصل
- صيغه الاعلان GIF or PNG
- ارسال الاسم والبيانات على ايميل المدونه
فترة الاعلان تتراوح مابين 2-4 لي اربع اسابيع عشان المشاريع الثانيه تاخذ نصيبها
I’m like 
and then i realize exams are only two weeks away!
عباره عن معهد متخصص بأجهزه أبل وبرامج أدوبي يعطون دورات تصميم وبرمجه وحتى يعلمونكم شلون تصممون لعبه بنفسكم من الألف لي الياء , واذا اشتركتوا بدورة التصميم والفوتوشوب راح يعلمونكم شلون تستعملون جهاز
احم اول شي اسفه طولت عليكم بالموضوع وايد لان انشغلت بالامتحانات والجامعه
المهم نكمل الاسبوع الثالث مع دايت سنتر
بالصوره الاولى باستا اللحم والخضار والمعكرونه : زوينه بس ثقيله وايد فيها كريمه وناقصها بهارات
هالكيكه نسيت اسمها يا كيكه التمر يا كيكه انجليزيه: المهم انه اثنينهم ناطعييييين
باليوم الثاني بسفرتنا لقطر ما كنا مقررين وين نروح , قعدت الصبح على هالفيو الحلو شربت قهوتي وبعدين نزلنا الريسبشن وسألنا عن الاماكن السياحيه بقطر …طلع الفندق نفسه ينظم رحلات سفاري حده كان بخاطري اروح بس حسافه مشكلتهم ما يطلعون قروبات بس احنا والي يسوق فينا مو نظام قروبات نفس دبي …اخر شي اتفقنا نروح الاماكن القريبه نخلصهم مثل المتحف الاسلامي والسيتي سنتر وغيره
بالاسبوع الثاني نزلت الكالوريز لي 1000 كالوري بدال 1200 والفرق العشاء صار نص الكميه
اليوم الاول
الريوق: مناقيش زعتر ,حلو وخفيف
الغداء:سمك مشوي بصلصه الطحينه واايد عجبني طعمه لذييذ ,والسلطه كانت سلطه الموزاريلا طعمها عادي
السناك: كيك الموكا, ما حسيت بطعم الموكا وااايد حاليه
العشاء:شرائح الدجاج بالبلسميك واقراص البطاطا , كان وايد ناشف وكلش ما حسيت بنكهه البلسميك ما عجبني وايد والي حبطني اكثر كان معاه بصل مع اني كاتبه مابي بصل وعالعلبه من بره مكتوب بدون بصل, والشوربه كانت شوربة بطاط ادمنت عليها
الاسبوع الي طاف سافرت قطر لمدة 4 ايام أغير جو قبل الدوامات وهاذي أول سفره لي حق قطر مع إني من مواليد قطر
الرحله كانت على الخطوط القطريه اول مره اجربهم وانشالله مو اخر مره لانه مواعيدهم بالمليّ مو نفس ربعنا إحم
وجهة لي دعوة من حساب حكومة دولة الكويت في تويتر المعروف ب “كويتنا” لحضور لقاء مع الوزراء أنس الصالح ومحمد العبدالله ونايف الحجرف للحديث عن اهميه الاعلام الرسمي والغير رسمي في تنمية وتطوير الكويت…على اني كنت مشغوله وبسافر اليوم الي بعده بس ضغطت على نفسي ورحت لانه كان في بالي كلام وايد بقوله لهم بس للاسف تمنيت اني مارحت وضيعت وقتي
بالبدايه دخلت ومالقيت مكان اقعد فيه وضليت انا ومجموعه من زميلاتي المدونات فتره واقفين بدون محد يعبرنا ويقولنا تفضلوا او يدبر لنا مكان نقعد فيه لما كلمنا موظفين “كوفي بين” وضبطوا لنا طاوله وكراسي
ثاني شي حلو انها تكون قعده اخويه وملمومه بكافيه بس مو لي درجه الوزراء معطينا ظهورهم , انا عن نفسي ما شفت حتى ويوهم القعده كلش ما كانت مرتبه, الوزراء قاعدين بالنص والناس حوالينهم كانوا المفروض يختارون مكان مناسب لعدد الحضور او عالاقل يرتبون الكراسي
ثالث شي فوق ما ان المكان مصكر وزحمه ,واحد من الوزراء المدمنين على التدخين ما قدر ينطر لما يخلص اللقاء معانا عشان يدخن ! حسيت اني قاعده بدوانيه مو لقاء مع وزراء
رابع شي بصراحه لي الحين ما فهمت الهدف من اللقاء بالبدايه توقعت ان الحديث راح يكون عن عن دور الاعلام ووسائل التواصل الاجتماعي ودورنا كمدونين في تمنيه وتطوير الكويت مثل ما كان مذكور بالدعوه ,بس للاسف الي صار من قبل بعض الاعلاميين استغلوا فرصة وجود الوزراء عشان يتكلمون عن الوضع السياسي بدل ما يتكلمون عن التنميه او يعطون اقتراحات تفيد الديره
خامس شي انصدمت من جرأة بعض المصورين والصحفيين الموجودين ارتزوا جدامنا ويصورنا بدون اي اذن مسبق كل شوي نأشر لهم لا تصورون ويردون يصورون مع العلم ان بلغونا اللقاء بعيد عن الصحافه ووسائل الاعلام الرسميه ومافي تصوير
سادس شي على ان اللقاء كان خاص للمدونين بس ما حذينا حقنا ,بالذات الحضور النسائي كان وجودنا وعدمنا واحد المايك كان بيد الاعلاميين وما عطونا فرصه نتكلم وفضلت اني انسحب من المكان بعد ما شفت الوضع جذي
فكرة لقاء الوزراء مع المدونين في مكان عام وبدون رسميات كانت حلوه وايجابيه واشكرهم عليها بس للاسف فشلوا بالتنظيم وإدارة الحوار
اتمنى يتكرر هالنوع من اللقاءات بس ان يكون بالمستوى المطلوب وبعيد من الصحافه التقليديه
اشتركت مع دايت سنتر لمده 4 اسابيع وانشالله راح احط بوستات إسبوعيه ما راح اترس البلوق 28 بوست كل يوم شنو كليت !! صح البوست راح يصير طويل بس جذي أحسن وأرتب
المهم دقيت عليهم وخذيت موعد وطلبوا فحص دم وعلى اساسه يحددون نوع البرنامج الغذائي والحمدالله كل شي عندي طبيعي فأشتركت ببرنامج
Best Life Diet
عبارة عن
الريوق: الوجبه الرئيسيه و تختارون معاها, لبن – عصير- حليب
سناك 1: تختارون ,سلطه فواكه -فاكهه – روب – روب مع فواكهه
الغداء: الوجبه الرئيسيه مع سلطه
سناك2: تختارون نوع من حلو
العشاء: الوجبه الرئيسيه مع شوربه
-
بما اني مشتركه نادي وقاعده ألعب رياضيه يوميا اللأخصائيه حددت لي 1200 سعره حراريه باليوم
سناك 1 اخترت يكون دايما سلطه فاكهه بدال الفاكهه العاديه لانه مرات يحطون لي نوع فاكهه ما أحبه أو صعب أخذه معاي لما أطلع مثل البرتقال او الأفندي فما راح اكرر صور سناك 1 بالبوستات اليايه
-
اليوم الاول
ريوق:مافن بلوبيري مع حليب قليل الدسم ,حبيت المافن خفيفه بس نتفه متعوده على مافن كاريبو شكبره
