1

Review: Oliversan Resturant مطعم اوليفرسان

IMG_1646mmمن بلشت هبت الانستغرام ماقمت اكتب ريفيوات عن المطاعم بالبلوق وبما اني بطاليه قلت ارد اكتب بوستات نفس قبل

امس تغديت بمطعم اوليفرسان الاسيوي صارله فتره مبطل بس ولا مره جربته , هالمطعم تابع ماكي و زي برقر والي يطبخ نفس الشيف وتقدرون تطلبون اطباق المطاعم الثانيه

المهم اول ما قعدنا حطولنا خبز تورتيلا كرسبي وكيم جي (مخلل ملفوف) مع صلصات نقنقنا فيهم على ما يوصل الطلب

IMG_1626n

IMG_1628 IMG_1629 copy

من السلطات طلبنا

Crispy Chicken Spring Mix Salad

لذيذه وخفيفه كلش ما تغث تحسون صج تاكلون سلطه مو طبق رئيسي

IMG_1632nومن المقبلات طلبنا

Buffalo chicken wings

صج كان سبايسي بس حلو معاه صلصه روب

IMG_1657mmمن الاطباق الرئيسيه طلبنا

Oliversan Rice

حلو بس طعم زيت السمسم كان قوي شوي

IMG_1655mmsweet & sour fresh fruit shrimp

ربيان مع فراوله وتوت اسود وجزر واناناس اول شي كنا مترددين نطلبه خفنا ماينوكل , بس اشوه كلمه لذيذ شويه عليه

IMG_1659 copy IMG_1661mIMG_1662 copyومن الحلو جربنا ميني دو سان (كرونت: مكس بين الدونت والكرواسان) والتراميسيو

اثنينهم كانوا لذيذين

باختصار كل شي جربته كان لذيذ اول مره ادش مطعم وتعجبني كل الاطباق

الخدمه تينن والقعده هاديه والاكل لذيذ والاسعار تقريبا نفس ماكي

وان شالله لي روحه ثانيه وثالثه

عنوانهم

المرقاب – برج جاسم

Instagram @Oliversanrestaurant

Tel: 22901051

0

Review: A Million Ways to Die in the West

a-million-ways-to-die-in-the-west01-1024x576

Synopsis:

After cowardly Albert backs out of a gunfight because he’s never fired his gun, his girlfriend leaves him for another man . When he accidentally saves the life of a beautiful woman, she helps him find his courage and learn to stand up for himself. But when her husband arrives seeking revenge the sheep farmer must triumph over all of the hilariously awful dangers of the old west in order to save her.

Conclusion:

Quite possibly the worst movie I’ve ever seen, if I could give negative ratings I would, and I would also like my 116 minutes back.

0

Personal Trainer @fitmiss_kw

IMG_1575

من قبل اسبوع جربت

fitmiss

بتكلم بشكل عام لان ما اقدر احكم على تمرين مدته ساعه

بالنسبه للوقت كانت ملتزمه بالوقت ووصلت قبل الوقت الي متفقين عليه ب5 دقايق

  والتدريب بالنسبه لي كان عادي لان تعودت على تمارين الكروسفت يمكن لو كان في تنويع اكثر بالتمارين الوضع يصير احسن ,بس اكيد في ناس يفضلون تمارين البيلاتس راح يعجبهم

IMG_1581

اسعارهم

power training 150 kd \ 10 session (180 kd \12 session)

Pilates 200 kd \ 10 session (240 kd \ 12 session)

3 times a week and each session = 1 hour

واذا تبون قروبات السعر يصير ارخص

instagram: @fitmiss_kw

website: www.fitmiss.net

 

0

Gandhi 1982

 

من احلى أفلام الدراما التاريخيه الي شفتها قصه المحامي والسياسي “غاندي” اكيد كلنا سامعين بأسمه بس قله الي يعرفون قصته وليش انشهر

قدر غاندي يحرر ديرته “الهند” من الاستعمار البريطاني بدون ما يقتل جندي بريطاني واحد

وعلى ان غاندي هندوسي بس كان مثقف وواعي قرا كل الكتب السماويه واتبع نظام “المقاومه السلميه او مقاومة اللاعنف” الي كان متبعها رسولنا عليه الصلاة والسلام مع اهل قريش

في البدء يتجاهلونك، ثم يسخرون منك، ثم يحاربونك، ثم تنتصر- مهاتماغاندي

0

Trip To Istanbul Part 1\ تركيا-إسطنبول

IMG_9896_edited-1بعطله الربيع شهر 2 سافرت تركيا

طبعا الحجوزات (الفندق والتذكره) عن طريق موقع اكسبيديا

 رحلتنا كانت على الطيران التركي لمده 9 ايام بس تمددت لي 12 يوم بعدين اقولكم ليش :P

والفندق حجزنا بإسطنبول في منطقه تقسيم فندق نيبون

Continue reading

5

Opalescence PF تبييض الاسنان المنزلي

opalescence_teeth_whitening_box

سألت اكثر من دكتوراسنان عن احسن نوع تبيض كلهم مدحولي المنزلي لان معترف فيه وعليه دراسات و ضرره اخف من الليزر وتبيضه طبيعي واقدر اتحكم بدرجه التبييض ودلوني على الوكيل الي يبيع الماده بالكويت

كنت مسويه تقويم اسنان بمستشفى الاميري واول ما شلته عطيت الدكتوره الماده وسوتلي القالب حق التبيض وتقريبا بعد 3 ايام استلمت القالب ومن اول يومين استعمال بين الفرق معاي

تحصلون ماده التبيض عند شركه التقدم التكنولوجي ,سعر العلبه الكامله مع القالب 13 دينار (8 إبر) و اذا عندكم القالب وبس تبون الابر يبيعونهم ب5 دنانيير (4 إبر) الابره الوحده تكفيكم حق مرتين

اتوقع هذا ارخص مكان بالكويت يبيعهم لان دقيت على اغلب العيادات الخاصه اسعارهم تبلش من 70 دينار لي 250 دينار وكلهم يستعملون نفس الماركه, طبعا اهم حاسبين فتح الملف والاشعه والتنظيف وسعر الماده وشغل الدكتور وكل هذا ما تحتاجونه اذا اسنانكم اساسا نظيفه وما فيها جير

عندهم اكثر من نوع , انا دايما اخذ 35% لان ما يطول بس نص ساعه واشيله بس الي اسنانهم حساسه ماراح يتحملونه اخذوا الي نسبته اقل, بعد التبيض بفتره اسناني شوي صارت حساسه مو وايد بس الحين الحمدالله ردت طبيعيه

رقمهم 22247165 ومكانهم بمجمع تالا السالميه